20-7-02(一)第四日，自由行，食完早餐就出發了，攞住地圖四圍去，感覺良好，因我本身都鐘意周圍行，發掘新事物，係車站撞到另一對母女團友，於是一齊坐火車，我去到淺草橋就轉淺草線，係淺草橋到一間商場買左好擦子膠，可以用來佈置雞雞間屋，跟住去到雷門寺，先係雷門牌面影張先，然後係D鋪頭到買左魚仔餅食，魚仔餅新鮮出爐，很美味，食完個餅就好頂胃了，接著又買左對紙鴆耳環。

        成日係到睇下買D咩手信俾人，其實都會阻礙了d時間，不能盡興。

        本的寺D煙不算大，起碼我能接受，重可以入去參觀下，跟住係雷門四圍行，行左去一間懷舊遊樂場附近影相，個到D民居係古老的日本住宅區，影相不錯，我重同度鬼太朗D卡通人物影相TIM。

(彩虹顏色我鐘意!)

     日

       下一站上野，跟據旅遊書，搵左好鬼耐，終於搵到一間賣刺身飯的鋪頭，刺身由築地每日新鮮運到，一碗飯都係港港六十幾，勁抵食，我食了D刺身加少少飯已好飽了，跟住係上野的1000YEN店左OVER 1000YEN價值的朱古力福袋，雖然好抵，但攞餐死。

    係上野公園影到日本神舍的紅色框，很開心呢，影到人地o既傳統文化野，我諗我對shopping其實真係一般，因為香港都有得shop，去旅行都係鐘意睇d地道野，買d地道飾物、加d景色就已經很好了!

         重有時間，決定去埋涉谷，雖然phoebe都話涉谷唔啱我睇，但係新宿、原宿都去過，去多個未去過o既地方吧! 涉谷的確唔啱我睇，但好彩都買到對結它耳環。

    9點到坐車返酒店了，不過我買錯左鐵路票，搵番個職員，佢地都係退番錢俾我，去涉谷時坐了向上行山手線，回程時坐番向下行的山手線，咁我總叫係山手線坐個一圈了。

    日本人的治安真好?真的天下無賊嗎?見到個男人一上車就將個公事包放係坐位上的欄桿，跟住自己坐低瞓覺。勁!

    去到某個站時又不再前行，但我又未到目的地(但兩個地鐵站名好似，於是去客戶服飾處問，並出示酒店卡片問地址，票務員的英文真的麻麻，佢攞了該區地圖俾我睇，但都找不到我的酒店，最後佢俾了一個地鐵路線圖我，然後我再發現原來我未到站，於是再轉(明明去時不用轉呢條線，都唔知點解返來時要轉線)，但問一問路就save多了個地鐵地圖，都幾好呀!

    回到出發的那個站，感到肚餓了，亦跳經早幾日食過的豬扒飯店，但冇未到，結果去便利店買左杯麵、蜜瓜啫喱食。

    返到酒店食餅乾同蜜瓜啫喱，蜜瓜啫喱真的很香，可惜阿王遲到一步來拍門搵我，如果唔係可以請佢食，阿王今晚話同我瞓，因為係佢2個仔個邊較迫。好野今晚有人陪^^

     阿王叫到我d收獲，很覺羨慕呢!同埋我想去邊都抵，佢有2個字同朋友一齊，又要就同夾，太多制抓了。同埋佢覺得我好勁，自己一個人唔驚可以四圍去，我比佢想像中獨立，haha thx! 其實一個人無拘無速自由行都好開心。