9-12-08(五)聖誕節慶祝會，我係負責人，第一個節目係聖景表演，細梁問我ok味?我話得架啦!可以開始!但我竟然唔記得左自己係主持，起碼都要講番幾句野先開始。真係short鬼左。

     由於詩姐姐同唱詩同講故事嚴重超時，所以我縮短了玩遊戲的時間。11點3就開始全校大食會。咁就輕輕鬆鬆過左半日。

     放工去做gym，跟住過天后地鐵站搵埋小鈺、Amy一齊上敏軒捉棋，敏軒呢到個環境同氣氛實在太好了，係到捉棋，人都開心d，輕鬆d，同埋明天又係星期六，返多半日就放假，心情就更加靚了。焯賢9點先來，我地捉到10:30走了，然後我地同埋阿恆5個人一齊去麥當勞食野，並聽阿恆分享佢學圍棋o既三個階段。

20-12-08(六)早上，我、阿何、細梁一齊叫外賣早餐(係得星期六可以輕輕鬆鬆嘆早餐，因為仔小老師多，所以老師可以出組唔駛即刻睇仔)，呢個早餐真係超豐富，19蚊有一個沙嗲牛肉公仔麵、牛油三文治、雞扒同一伯薯餅，d野食真係多到嚇死人，超抵!

放工後返左屋企，1點瞓到5點幾，跟住7:30出金雞廣場間café，同王子、焯賢捉棋，其後小鈺遲來，Dranell也來溫書。

21-12-08(日)返午堂崇拜做招侍，跟住去做gym，1:45到中華書局等棋友，王子話我知上到書局o既三樓會好感動，阿!原來上面全部係關於中國o既史書。Frank d朋友2點來到(Charry、Rocky、amy、重有一個唔記得叫咩名了)，之後我地同埋王子一齊行去駿發花園間café，我地冇book位，職員唔俾我地分開枱坐，咁就一齊坐啦!

    最搞笑o既係Amy來到就要求同焯賢調位，因為佢話想同阿恆坐，佢呢個舉動，就即時被我、王子同焯賢係到笑。

    其後Frank、Frank妺妹、蘇蘇都有來，成12人係到玩，好熱鬧。

    由於我地太多人了，後來冇鬼理d職員，就咁坐埋去隔離d枱到，結果到我地走時，隔離d人都冇來啦!

    6點時夠4個鐘要走了，d職員收錢時o既態度都係好差，下之真係咪鬼再襯呢間野。