19-9-08(五)累到痴線，其實由中秋個晚後，都唔係好夠瞓，下午團契時，好彩唔係查經，玩下遊戲，了解下大家，第一之問題係我o既恩賜或才能，我第一個直覺就想寫打字快，但一打呢個point，肯定大家都知，於是我寫了開解者，呢個point一出，細梁即刻話係我，冇錯!因為你最常用呢個service。

第二個問題係分享童年玩意，我細個係書枱到起了雞仔屋，因我小時曾養過三隻雞仔，呢間屋企用來紀念佢地，我細個的時候，好有心機佈置架!後來我邀請阿霖來我家一齊玩，跟住到佢又係自己張床到整一間狗仔屋，從此我地d動物毛公仔互相探訪大家。同事對我所講o既動物屋係有興趣，並叫我影相俾佢地睇。

其次我會一人分演幾角，自己開賭場同玩大小個張紙，又會玩下廿一點。

然後我又會開歡樂天地，叫埋d鄰居一齊玩。(我細個諗個o既其中一個工作係要做歡樂天地架!一來自己鐘意玩，二來又可以gain$，到大過時我做過賓紛樂園一日就辭職了，因佢要我六、日返工，但當時我prefer自己六日返教會lor!) 我發覺人大左，都仍然好有童真，得閒就去冒險樂園玩。

一想到放工要返學，就覺得好辛苦了，同埋呢幾日唔夠瞓，頭有d痛。

放6:00，坐k16去大角咀時，超塞車，成7:00先返到學校。好彩呢個Miss好人，唔mind遲到，同埋我真係感覺到佢好有heart去教備課同教我地。

更好的事情發生左，就係Miss9:00就放我地走，好o野!可以早d返屋休息，一心諗住唔早棋早d瞓，但Dranell sir又話我係時候挑戰下8k，所以佢讓我8子同佢捉。難得阿sir咁得閒叫我捉棋，點都俾面下佢，去捉番盤，初頭都捉得ok，不過最終係輸，捉完後，佢話我應該有7k。但改唔到俗手就難升上去。多謝指教。

最後睇埋十月初五的月光先瞓。