18-5-08(日)9:45起身，11:00返午堂，午堂後同Millie上去麥當勞上八課，因三樓團契室有人用了，原來食完野先上八課都幾好，2點食完野去聯發搵埋阿門徒訓練的同學仔一齊行去九龍堂。

3:00開始門徒訓練畢業禮，到睇人影大合照時，見到有一組名叫七色彩虹日月星晨組，佢地10個人就著住紅、橙、黃、綠、青、藍、紫同埋黑色t-shirt上有星星、太陽和月亮的圖案衫，一個字「靚」。重要我本身都係好鐘意彩虹顏色的東西。所以太太太喜歡呢組的娤扮呢!至於我地個組因為係上紅色門徒訓練課程，所以只是穿紅色衫。

5點幾完，一直都猶豫緊好唔好去學劍撃，因為Dranell、阿King佢地又唔去，自己唔夠瞓，好鬼累，過海上堂又要用成$17.8車費，但最後都係決定去了，唔想俾自己懶同逃避，同埋學少一堂，可能會跟唔上，加上下星期又好大機會唔上堂，還是去了。

5:40已過去海去到銅鑼灣，入去維園行下坐下，同埋為四川d災民、身邊d朋友祈下禱，近來好多人都唔開心，希望佢地d心情快d過去啦!

6點到走了，行去上堂，今堂學了去前行，我地就不斷行條線到練習行路，上完堂行左去鵝頸橋到坐車，並發現那裡開了間吉之島10蚊店，入去行下先，跟住先坐巴士歸家。

回家後跟住同Gerr、佢個妹、同埋阿豪一齊去打羽毛球，打左9個字到，我都累了，本身已唔夠瞓，同埋又勞動了一日，點幾瞓。

19-5-08(一)又係唔夠瞓的一天，今日後，全國哀悼三日，下午2:28(一星期的今天5月12日地震係呢一刻發生)，阿彭入來話我地得番2分鐘默哀，我祈禱後，就同同事一齊出音樂室睇電視，一齊默哀，細梁話聽到單新聞講一個老公背著老婆的屍體駕電單車去臉房，他想太太死都有尊嚴、而有d救護員就叫d被壓的人自己据斷了腳，才能救他出來，有人寧願死都唔据，有人据了被救出來，但還是死。真係好令人哀傷。

放工6:08，衝落車站，發覺6:10的車還沒有開出，可能天雨關係，所以呢班車遲左來，真係好，趕得切坐呢班車早d回家睇新聞。