9-5-08(五)放6:00，D仔遲走，我都成6:45先走，由於8:30先去銅鑼灣o既泉章居食飯(提早慶祝母親節)，，我係黃埔到行街先，先去冒險樂園玩下，跟住去了一間就o黎搬o既飾物鋪睇耳環，由於耳環半價，所以我都買了三對，都係二百幾蚊，抵呀!其中有一對係馬來的，好得意，第一眼已鐘意了，但它原先是放左一個大圈內，我同個sales講，我鐘意呢個公仔，但唔鐘意係佢圈入面，我想佢變一對可以吊下來o既耳環，跟住佢幫我換了一個可向後拉的耳環，good!好耐好耐冇買過耳環了，差d遺忘自己賣耳環的興趣。

7:45leave，坐115出銅鑼灣，可能母親節臨近，超塞車。落車後行了去time square對面到搵泉章居，但搵唔到，諗住打電話問屋企人時，個台話我冇電話費，不能打出，搞錯呀!一冇錢，即cut，於是去數碼通賣番張增值卡入數。跟住問屋企人先知泉章居搬了去銅鑼灣廣場二期7樓，行左好多冤枉路tim!

叫套餐5餸一湯，重有雞食，我再另外叫多d炸曼頭tim，埋單七百幾，都算抵啦!

差不多10:45leave，同爸媽坐103回家，部車勁full，去到世貿個站時，值頭飛站，好彩我地係sogo對出上車o者。

上到車有個1歲10個月o既小朋友，跟住我、我阿媽就同埋左人地阿媽一齊傾計，佢知道我都係做呢行，跟住就勁好傾，講下學校，講下管教方法。當我同家長講番幼兒教育d野時，我成日都覺得自己變左另一個人咁，答人野會正經d，成熟d，有頭有路，與平時不同，這就是專業吧!

回家捉棋捉到成點幾，沖埋涼，吹埋頭先3點瞓，真係想死，明天重要帶小朋友去表演，怎能咁夜瞓。