13-7-06(五)放5:00，做野做到5:30等Phoebe放工，然後一齊去阿鵬屋企食飯，到我5:40離開學校，行入埋吉之島時，Phoebe都未走，我己等佢撘車o黎黃埔都有一段時間，而我自己又唔想行街，所以行返學校繼續做野，做到6:10到，收到Phoebe o黎到黃埔o既電話，我先離開學校。

同Phoebe係吉之島買了士多啤梨同炸魷魚絲，我同Phoebe就食住炸魷魚絲打下抵先，事關阿鵬話佢起碼6:30先係屋企，再等佢煮埋飯都應該有排先有得食。

我地行去奇趣天地那邊坐美乎van仔入宇晴軒，around 10-15分鐘車程到了。

8:00開飯，食飯時同阿鵬講返短宣o既感受，佢話短宣服務時間雖然短，重要係諗番神想我地得到d咩，佢咁樣講，我個心感覺就好了點，事關我不是太喜歡今之的短宣活動。

飯後食da dalce o既棒子味雪糕，電糕超好味，下次去開又一城既taste，一定要去買一盒先得。

11:30leave，我地唔駛阿鵬送，但阿鵬係都要我同Phoebe一齊撘地鐵，再轉小巴返屋企，佢話我一個人去坐巴士會危險。

唉...我撘完地鐵去到油麻地，咪又係要行路返屋企，事關我不嬲係油麻地、旺角，都會係行路，除非夜到點幾2幾先會坐車。

所當阿鵬知道我坐完地鐵，又係行路返屋企，就激死佢，佢話下次寧願送我去巴士站，咁又係呀!坐地鐵要6蚊以比巴士貴了，最慘就係坐完地鐵，重要行，真係搵o黎搞。