13-4-07(五)Phoebe幾天冇搵我了，lunch時突然好想搵下佢，於是call她，但佢冇聽，6:30放工後，再call她，她也一様冇聽。

14-4-07(六)8點幾出門行去歐化傢私到坐11巴士去到鑽石山安強幼兒學校，因今日9:00-4:00都係教師發展日，上午個導師教點樣教音樂堂，呢個talk就日用，下午講全語文，係超悶，我都係到釣魚。

Lunch同埋安怡d同事一齊食pizza hut，都係三十幾蚊埋單，抵!

4點完曬D講座後，坐11號巴士出佐敦南豐廣場，因想買一隊Nike波鞋，早幾日其實都想買，不過那天帶唔夠cash，又冇帶credit card，所以今日先黎買返，買買下個sales有話買夠600join member可以即時有折，我問佢說手提電話no得唔得(我知阿蒙有馬拉松卡)，佢話唔得，咁我就睇下衫，件nike tee一睇已覺得好鐘意，決定買下來，跟住再買多一頂nike帽，因突然好想去行山。埋單時，見買夠800蚊會再送多個columbia既袋，其實我我買多百幾蚊就會有多個袋，結果我又買多一件puma tee，今日真係數獲豐富，買完野又覺得好開心tim，我都好耐冇洗過錢了。

返到團契入左mandy個組，睇下我地身邊邊d人最疏離，我諗我同身邊既人個個差不多wor，但要數可能係家中某d親人較為疏離。睇下有冇辦法聯絡多d。

團契後Vicky ma叫我去TST同大Vic一齊行街，本來都想去，但拿住一大袋野都係唔好。

同家媛、雯雯、偉仔、誠誠、Chirs去食吉野家，沿途同我雯雯講話Phoebe好似嬲左我，跟住佢同媛講原來Phoebe日記講識左好多年既自私既好朋友係你，佢地重係度諗緊係邊個。

原來我係冇估錯，佢真係嬲左我，但唔幫助佢就係自私?咁就要嬲，諗諗下搞到自己都有D興，咁我自己唔可以有我唔幫既理由咩?係呢個時候，我只好祈禱同神講，我再聽到神既聲音叫我愛(自Taize後一直都好想聽到神既聲音，估唔到係呢時候聽到)好難愛，好想好似約拿咁，去逃避。

15-4-07(日)返早堂，vicky ma坐我隔黎，我都好似係第三/四次返早堂，返早堂個感覺幾好，之後同vicky ma兩個去富貴一齊食早餐，講開阿lay都真係好得閒，睇曬d人既日誌。佢真係一個日誌粉絲王。

跟住回家做功課，明天交兩份功課，「家長與社區關係」和「學前教育與心理輔導」。

PS又要係度多謝下Joey幫我修改功課。