剛剛叫做放完三日假，放左好似無放咁，第一日公司九點就打來，第二日九點半，早餐都未食，就係咁回email打電話回email，睇報表打電話，成日就係咁，知道係咁二號個日就返工啦，浪費晒d錢，有加班錢架ma，個個咁既賤精，唔抵得人地放假係咁出email，話我小左依樣小左個樣，痴痴地的~一向月結都唔會比佢既報表，叫我send比佢，好彩我有姐，而且咁岩又係家見到個email同回到個email，唔係又比到機會人係老細面前話我，到時我個電話實比人打爆。不過唔緊要仲有四個月唔夠我就有長假放喇~好期待呀~好想依四個月快d快d過，咁我就唔洗再咁辛苦喇~哈哈~睇多四個月結我就可以放下假喇~諗起都開心呀~
最近覺得好悶好悶，做人好無聊，唔知想做咩，只係覺得好悶，日日都唔知點咁，訓又唔係行街又唔係睇電視又唔係睇戲又唔係，仲之就唔知想點，覺得做人好無意思、好悶，唔想返工，但唔返工又好悶，好想搵d野做，好想收拾下屋企，好想買過個書櫃，好想打開床下底收拾下，好想收拾下個依櫃，好想將唔要既野踢晒去垃圾箱、好想去游下水、打下波、去游船行、去海灘玩、去行下山、去燒野食、好想去旅行、好想好多戶外活動，但全部都得個想字，我唔想好似坐監咁，日日係屋企唔知做咩，但次次出到街行左唔洗個幾鐘就腳軟，激死人!