2005-01-18 14:29:41包包
全軍覆沒
話說上星期我同豬豬買左缸魚，仲幾貴tim，哈哈~~過左第一晚已經得返一條活魚，到第二晚~~已經全軍覆沒，兩晚就無左九十元，結果星期日我地再去金魚街買過，今次我地決定唔會再買貴魚架喇，一於買一包包已經包好個D啦，又平又多，最後我地都係買左最可愛既雞泡魚仔，共六條($20)，之後我地仲買左豐年蝦($5)啦、淨水濟($18)同清水濟($15)，返到家又係咁洗魚缸呀換水咁啦，仲有比豐年蝦佢地食，原來d雞泡真係只會食生既野架，我見佢地食得咁開胃就再放多d啦，點知有三條特別食得多喎，結果~三條都變左大肚腩，勁好笑，但係又好驚佢地會飽死，不過好彩全部都無事，佢已經係新屋企住左三日兩夜喇~~希望佢地可以快高長大，唔好再全軍覆沒啦~~