公司搞了個遊船活動, 講真, 真正有興趣參與既人我唸1隻手掌數得曬, 不過老細甘熱烈發起活動, 無論如何大家都會出席呢個俾面派對既.

今次有幸坐到老細架貴車, 講真, 除左速度感, 我對跑車無咩好感, 因為.....太迫啦 (大笑)
差吾多20分鐘.....用架GT-R吾使20分鐘就由尖沙咀去到香港仔深灣 (汗)

上船既位置係香港仔深灣遊艇會, 入到去你一定會認識到, 咩叫貧富懸殊啦......

一見到隻遊艇....吾怪得之老細成日話係某大集團先有既貴野, 自己俾錢租, 邊去到呢個級數, 有錢人真係好識享受架 (上到甘正既船就更係要扮下野, 如果真係我揸, 3秒就見報啦, 哈哈.


遊艇既名叫做 Bel-Air, 之前個日仲係陰陰天, 難得出海個日天朗氣清, oh yeah~~




簡單介紹下船入面既設施 : 佢有2間雙人房, 每間房有個獨立廁所, 仲要係有按摩花灑(.....), 有1間雜物房, 有個open kitchen (仲有微波爐, 死未), 係室內既船倉地板全部都舖有毛毛地毯, 而我最欣賞既, 係船尾有塊活動板, 當佢放底既時候, 你就好似坐係海度 (我就直情趴係到), 個feel真係好到呢..... 甘既活動, 我真係好想老細得閒就搞下呀, 哈哈哈~~ 

(就係呢塊活動板, 坐係上面就好似係坐係海中心, 感覺....一個字, 正!!)