2008-12-21 20:49:26夢夢貓主人
白泥 ( )
一直都聽聞白泥係一個好靚既地方，靚係邊? 就係佢個日落景。
搵左日同文麗氏去影相，真係一個好特別既地方，如果同男朋友黎，真係幾浪漫架(笑)。
由元朗市搭小巴入去(因為文麗氏帶路，吾記得左架小巴幾多號tim)
約15-20min 就會入到白泥，白泥有分上、下白泥，我都吾記得我係上定下落車，總之就係差吾多去到小巴既總站啦。
行返出去(去海邊)，沿路會經過數個村戶，村民種了不同的植物，就好似呢個茄子甘，望落好似好好味甘....不過一路上都成日聽到狗吠聲，有時都被佢地嚇到....
其實沿馬路行都幾遠，一直都搵吾到路行出海邊，幸而當日天氣不會太熱，吾係就..... 行過幾個釣魚場，係一個排水位搵到路行出去，我同文麗氏都係著拖鞋入去，所以吾怕濕腳照踩泥地入去，行出海邊後，看到許多應該係漁民用黎養蠔既網及小石柱，很是有趣；而海邊後方，就有很多紅樹群，(係呢個位既樹群比較疏落，往後行就見到比較多。
如果時間多d，再慢慢甘行，應該會有更加多既靚景。行完海邊，我地就打的去左流浮山，原來兩個地方都好近下。
記憶中既流浮山，感覺沒有多大改變，只是對岸多了許許多多的大廈(那邊應該係大陸位置)，及越來越污染的海水.....
上一篇：又黎長洲