實驗廚房開鑼 - 首站 (將軍澳)
這個活動，最主要係鼓勵大家齊齊動手學煮食外，亦有聯誼之用，都算是多用途聚會(呵~~)。
對上一次到楚慧府上，都係N年前，所以完全沒有印象，只靠妹子打聽主人家的座號，照號去找。首先發生既第一件事，就係俾她們樓下的管理員激親，點解?問人好似盤犯甘“妳地搵邊個架?住幾多樓架?性咩架?黎做咩架?....”係咪我個日著得好似死飛女?其實做食蕉問呢d野係好正常，問題就出於呢位食蕉既態度，個樣好似應為你係贓仔甘，語氣又好似差人盤犯甘，盡職都吾使甘呀，真係好吾高興。第二件事，就係3118 與 3108 之謎。事緣我就真係對目的地毫無印象(正常來說，我去過2次既地方，再去一定無難度，不過呢樹去得一次又歷史悠久，真係一d印象都無。)，就跟住妹子問來既號碼，照號碼搵，終於搵到“3108”既時候，可怕既事就發生了，因為呢間“3108”係日光日白既時候，從門外看去，同恐怖片中既凶屋十分相似，破舊的鐵閘、發梅的門布、半合的門木、黑漆漆的錄架床、還有不透光的簾布....就在我不自住地退後腳步時，就看到妹子另一個朋友出現，原來她也是迷了路，最後我們決定打俾主人翁，叫她出來找我們.... 自己住了多年，點解仲可以記錯自己屋企號碼，我想她都有好長一後時間沒收過信吧....(大笑)！
【沙薑雞腳】
材料:
雞腳 1.5磅
調味料:
沙薑粉30g、紹興酒(我無呢隻酒用左清酒，效果都ok)2湯匙、鹽2湯匙、蒜頭6粒、薑少許、糖1.5湯匙、雞粉2湯匙、清水1公升
做法:
1. 雞腳解凍，切去甲指，洗淨瀝乾備用。
2. 雞腳蒜頭及薑用水約滾3至5分鐘，熄火倒水，放在冰水內過冷河，並瀝乾水份備用.
4. 蒜頭去衣輕拍和調味料混合。
5. 鍋內倒入清水，燒滾後加入蒜頭及沙薑糊。
6. 再翻滾後，加入雞腳以慢火煮10分鐘，熄火浸約半小時至入味即可。
『咕嚕肉』
材料：
枚頭肉﹝豬﹞12兩、青紅黃燈籠椒各一隻﹝切塊﹞、菠蘿兩片﹝切塊﹞、蒜肉2粒﹝切片﹞
調味:
醃肉料：鹽3/4茶匙、糖1/2茶匙、雞粉1/2茶匙
炸醬：雞蛋一隻、生粉3/4杯、清水少許
甜酸汁：白醋4湯匙、糖5湯匙、茄汁2湯匙、o急汁1湯匙、鹽1/2茶匙、生粉11/2茶匙、開水2湯匙、熟油1湯匙
製法:
1) 枚頭肉洗淨後，切成粒，用醃料醃20分鐘，蘸生粉備用。
2) 油鑊燒至滾熱，將醃好的豬肉倒入鑊中炸至金黃色，撈起，約5分鐘後再放入鑊內炸3分鐘，撈起，隔清油待用。
3) 倒剩1匙羹酒在鑊內，爆蒜青紅椒，再將甜酸汁材料攪勻倒入鑊中煮成獻汁，即倒入一匙熱油，再將炸好之豬肉倒入鑊內，兜一兜即可上碟。
(請提供食譜)
(請提供食譜)
(請提供食譜)
來到各位blog,大家都為“開廚”講感受，我覺得，我地應該要為自己比d掌聲！
我自己那碟“耶菜卷”真係花左少少時間去整，因爲要切那些材料，都搞了半日的時間！不過總算安心，可以入得到口，哈哈！
我的精心炮製“耶菜卷”食譜係：
蔬菜類
1）耶菜
2）青紅椒
3）芽菜
4）紅囖白
5）沙葛
6）菜葡
7）鮮菇
肉類
1）雞肉
2）火腿絲
製法：
1）將1，2，3，4，5，6，7，材料先炒熟，然後再炒雞肉+火腿絲，再后呢將所有材料炒埋一齊，上碟比用
2）用水煮熟d野菜，係水裏面加d油，加d鹽。
3）然後將材料放落耶菜裏面，卷成就ok.
提示：如果係d蔬菜到加少少雞粉，就將d味道帶出來，好好味加
我唔知道我有沒有漏，如果錯漏，請物見怪！
哈哈哈, 我真係愛死你呢篇日誌!!! 點解你唔幫我碟"涼拌茄子"揀一張靚靚相先刊登出嚟!!! 全晚我食得最多既就係你地煮既東西, 我自己既"茄子"可能試味太多, 有點膩, 雙筷掂都唔想掂!! :)
我亦都好欣賞你整既"天使蛋糕", 好美味, 停不了口!!! Wing 媽煮既"椰菜卷"真係用料十足, 相當清, 夏天食簡直係一流!!! 我地入廚三十年既林太嗰碟"勝瓜炒蝦仁", 無論色, 香, 味都相當有水準!!! 而你妹子所煮既"咕嚕肉"係全場難度分最高既一類, 係值得我地以掌聲鼓勵, 鼓勵!!! 至於我自己嗰碟, 真係全場最簡單既冷盤呀!!! 哈哈哈~
本夫人自家製食譜如下:
材料: 茄子四條, 紅辣椒仔三隻, 蒜肉適量
醬汁: 醬油膏, 豉油, 糖, 烏醋, 麻油, 水各適量
製法:
1) 先將茄子洗淨把頭撥掉, 切成兩段, 放入滾水中煮約五分鐘直至茄子熟透及稔身(亦可用蒸煮的方法約八分鐘左右);
2) 將煮稔的茄子撈起, 用筷子把茄子劃開一半, 再用叉在茄子中間叉開一絲絲. 如買的茄子較粗身, 可把黑核同時除去, 然後冷藏;
3) 蒜肉切碎成蓉, 辣椒切碎備用;
4) 準備醬汁, 醬油膏, 豉油, 糖, 烏醋, 麻油及水各適量. 份量可依個人喜好添加, 最後加入蒜末, 辣椒攪拌均勻冷藏即成.
食既時候再淋上醬汁就完成啦!
小小心得:
1) 茄子要選較長, 幼而軟身, 黑核比較小
2) 醬油膏比一般醬油(即廣東人的鼓油)"傑"身, 味道帶甜. 亦可以蠔油化替, 但我本人未嘗試過!
無錯 , 真係要為姐妹們鼓掌 , 雖然各姐妹都是初出廚房 , 但都給我眼前一亮 , 睇得出花了不少汗水及心機 , 大家出來埋相都相當唔錯 , 整係這點成意以直回分數 , 無得彈 !!
只係要同姐妹們講聲唔好意思 ! 只係我一句烏龍3108就令大家虛驚一場 , 點解烏龍的事每次都在我身上發生 , 氣死我啦 !
(勝瓜炒虾仁 )菜譜
材 料 : 勝瓜2條 ,紅椒1只, 中虾1斤 ,
調味料 : 蠔油少許 , 雞粉少粉 .
製 法 : 1. 虾去殼 , 去虾腸 , 用少許鼓油醃虾.
2. 先炒中虾 , 盛起 , 後炒勝瓜 , 待 差不多熟連虾一去起炒 .