2015-08-31 16:04:46Tellme
雨！那會落袂停？
人講：「六月火燒埔，七月無噍土。」
這陣雨相連煞已經超過二禮拜，目前嘛過了七月半，古早人的智慧果然不同凡響！不過，這只是經驗的累積。
也著是講，無管是智慧抑是智識，總是從錯誤中整理出正確的經驗，經過有系統的整理，就是一般所講的科學。
讀冊迄陣有修過「氣象學」當時，教授講氣象預報，有相當成分嘛是依賴著民間俗諺。
這句：「六月火燒埔，七月無噍土。」著是一句重要的俗諺。
七月半過了後，時序已經進入秋天，雖然已經有一點仔涼冷，不過這只是雨落久所造成，相信當雨停的時陣，猶原回復火燒埔的天氣。
這閣有一句氣像名詞，叫作「秋老虎」。迄種天氣，透早加穿一領，到中晝幻勢愛加脫一領，到尾晚秋風涼冷亦閣會流汗，是一個壞穿衫的天氣，甚至閣會起風颱。
中秋風颱暝相信界濟人有經驗，嫦娥維月宮看人間做風颱，赫是啥情景啊？現代科技的「追風計畫」應該會當瞭解才對！
今仔日透早出炎日，滿天無雲清朗朗，啥知八點外，雷電閃熠，雷聲拼乓吼，大雨那倒水，不只無噍土，閣強欲做水災。
迄仝，巴黎的位子兄講，落雨天翕像真辛苦。
這是事實，一來驚設備渥著雨水造成機件故障，二來一手扎設備一手欲札傘，赫真正真辛苦！
不過，今仔日趁雨隙搶著幾個畫面，赫是真正趣味的代誌。
將來，這句「趁雨隙搶畫面」幻勢嘛會變成，攝影界的歇後語喔！呵！
2015.08.31午
人講：「六月火燒埔，七月無噍土。」這陣雨相連煞已經超過二禮拜，目前嘛過了七月半，古早人的智慧果然不同凡響！不過，這只是經驗的累積。
也著是講，無管是智慧抑是智識，總是從錯誤中整理出正確的經驗，經過有系統的整理，就是一般所講的科學。
讀冊迄陣有修過「氣象學」當時，教授講氣象預報，有相當成分嘛是依賴著民間俗諺。
這句：「六月火燒埔，七月無噍土。」著是一句重要的俗諺。
七月半過了後，時序已經進入秋天，雖然已經有一點仔涼冷，不過這只是雨落久所造成，相信當雨停的時陣，猶原回復火燒埔的天氣。
這閣有一句氣像名詞，叫作「秋老虎」。迄種天氣，透早加穿一領，到中晝幻勢愛加脫一領，到尾晚秋風涼冷亦閣會流汗，是一個壞穿衫的天氣，甚至閣會起風颱。
中秋風颱暝相信界濟人有經驗，嫦娥維月宮看人間做風颱，赫是啥情景啊？現代科技的「追風計畫」應該會當瞭解才對！
今仔日透早出炎日，滿天無雲清朗朗，啥知八點外，雷電閃熠，雷聲拼乓吼，大雨那倒水，不只無噍土，閣強欲做水災。
迄仝，巴黎的位子兄講，落雨天翕像真辛苦。
這是事實，一來驚設備渥著雨水造成機件故障，二來一手扎設備一手欲札傘，赫真正真辛苦！
不過，今仔日趁雨隙搶著幾個畫面，赫是真正趣味的代誌。
將來，這句「趁雨隙搶畫面」幻勢嘛會變成，攝影界的歇後語喔！呵！
2015.08.31午