收到啊！退勤轉到厝進入書房，看見一包包裹佇桌頂。

坦白講，除了家己的名字、地址以及手機號碼以外，寄件人的大名寫得龍飛三界，看無！

拍開紙封，天啊！原來是「昨夜微霜」介紹的「夭壽靜的春天」佮「沉默之聲」。

因為宜蘭三星迄位仝宗的阿香官（應卡大聲喔！妳講我叫妳會應，但是南北差赫遠著，愛應大聲我才有聽著）的牽纏，有一仝闖入去「昨夜微霜」的「心房漩渦」如此這般，看著她的介紹。

閩南語寫詩無希奇，用詩來表對達環境的關懷卻呣是一般的深度。

因為阿香官的鼓勵，不才嘛佮人底學黑白寫，不過詩無成詩倒是廢話歸大堆。

阿香官講，詩是求短！所以不才先維長的先來，慢慢縮短……不過那短佮壞用著慘……咳…咳。

愛賴長才適當，先練才講。反正詩可長可短、可歌可泣、可強可弱、可前可進、可色可淡……。

雖然阿香官交待，詩是求短。但是，本來攏這長，欲安那短？真正是傷腦筋啊！

不過，這佮「夭壽靜的春天」啥關係？（2013.02.19夜）