星期五晚同大學同學仔食飯, 可能受到返工個時既心情影響, 個晚唔係好開心, at least 唔係我想像中咁開心, 同以前既gathering有d唔同, 我諗我短時間之內都唔會再搞or join　gathering, 雖然某人會0弟死我次次都係得把口, 最後都會忍唔住會約人, 但今次唔同, 係感覺唔同0左定係...唔知點解, 突然覺得同班同學仔有d距離...究竟咩事?? 可能已經夠la, 覺得自己傻0左好耐, 唔想再失望, 好"支力", 唔想再做咁多野...而且佢都就返, 係時候陪下佢
尋晚約0左家姐, 同佢傾0左好多野, 交換0左好多心事~~ 原來每對情侶面對既問題都差唔多, 大同小異, 我好明白家姐點解會咁諗, 亦好明白佢bf點解會有d咁既反應, 一年半前我同柏豪都係咁...
家姐叫我勇敢一d, 要爭取自己既幸福, 因為對成世, 要搵一個自己最鍾意既... 但我真係無咁既動力, 對於我0黎講好似已經無乜所謂, 同佢一齊, 我知道低線係點, 亦大概知道我地既將來係點, 咁就夠... 我相信同佢一齊我會開心, 但唔會係最開心~~ 但...無所謂
個個問完我 "你地拍0左幾耐ar?" 呢條問題之後, 都會講一句, "咁仲唔結婚?" 呢個好似已經係一個唔可以變既事實, 甚至可以係真理, 既然係咁, 我都唔想變, 更何況佢亦都無乜唔好, 絕對係一個可以負托終生既人, 我同佢一齊又唔係唔開心, 佢對我亦好好, 我仲想要d乜~?
家姐一句說話" 好唔等於適合自己" haha, 共勉之~~
家姐, 祝福你可以搵到一個好好又適合你既人~~