10-10-06

呢個星期敷0左幾次鐵打藥，隻腳都好似唔好得去邊……開始懷疑個鐵打師傅0既功力，定係佢晌度拖症？(唔會咁衰掛……)

今日返去仁濟覆診，醫生都話冇咩treatment可以做，斷骨都話可以打石膏0丫，而家最多只係拉傷d筋、韌帶撕裂之類，除0左食藥，冇咩做。醫生都話我唔駛用拐杖都行到，算係叻0架啦。

不過就俾0左兩個星期病假。講真有得放梗係好啦，但係又唔放心center 0既工作，所以趁住有少少時間，「gat」返去center睇0下有d咩可以做(我上晝11點覆診，下晝3點去試下推拿治療)。

返到center申請0左病假，咁arm陳經理都晌度，佢話我唔應該返工，因為醫生批0左病假，我就應該休息。如果我出現晌center的話，途中或者晌center有事，冇得陪不特止，仲會因為違反勞工法例而有麻煩。Shirley都話而家我得一隻腳去支持我(龐大)0既身驅，整傷埋另一隻好腳當然麻煩，如果傷0左0既腳得唔到休息，好唔返個病假拖得仲長。

既然大家咁講，我唯有乖乖地留晌屋企啦。但係已經返左center啦，冇理由唔乖乖0地做d野先走0既！於是就晌短時間內，極速完成大部份0既季度報告，小報份未完成0既，都教埋佢0地點做。雖然做完已經係八點0既事，睇唔到推拿，但係起碼跟住0既兩個星期，我都唔駛再擔心呢樣擔心果樣0丫！

今日Raymond都有睇過我隻腳，仲同我做0左d treatment，效果好好，痛0既程度少0左三成，唔怪得之d client咁鍾意佢。佢話我隻腳係傷得好嚴重，仲可能有裂骨tim，但係裂紋太細X光都照唔到……如果係都要小心d……

今日最開心0既係，我同日間中心d會員唔係太熟，但係佢0地見我「gat gat 0下」，都有問我咩事，仲有d熱心到介紹醫生俾我，我只可以話心領啦，免得醫唔好大家尷尬啦！