10-08-06

上個星期六同星期日，雖然我都係放假，但係都訓得唔好，一早就紮醒，擔心center會唔會有事，因為主任放大假去0左旅行，臨走拋低一句好爆炸性0既話：「少明以後就係呢team 0既負責人，有咩事就搵佢啦！」嘩咁大責任交過0黎，都未諗自己做唔做得0黎，已經因為壓力太大而訓唔到。

如果唔夠訓，我就好容易會病，但係訓返夠本，就會自己好返，今次都唔例外，星期一開始發覺自己係咁咳、少少發燒、眼訓……等等跡象都係一個字：病。由於平時訓夠就會好返，所以今次都只係爭取訓覺0既時間，例如打少d機啦、帶飯返center然後lunch time晌center訓覺、搭車又訓……仲要飲埋感冒茶，同埋接受0左讀緊「香薰治療」0既Kamen提供0既香薰治療(包括晌office點香薰同用香薰油溝水飲)，但係對病情都係冇幫助，仲病得越0黎越勁，結果今日都係頂唔順要去睇醫生(又睇醫生！)，都係果d傷風感冒同埋喉嚨發炎啦，不過又要俾百幾蚊睇醫生，真係……唉……

最慘0既都係我d同事，首當其衝梗係Raymond同Kamen，兩三日同個病人晌埋同一個office，結果先後俾我傳染而病倒(仲要傳染0左佢0地之後我自己就好返晒)……良心真係過意唔去……