04-07-06

麥主任走0左之後，我未能好好處理自己0既情緒，適逢報紙上有一則招聘，係我屋企附近0既一隊家務助理隊請社工，工作性質同我而家做緊0既相似，人工亦差唔多，不過服務使用者0既身體狀況冇咁嚴重，即係話工作量會輕鬆d，因為近來回車費同時間都會慳返d，加上我想藉轉換工作環境轉換0下心情，於是寫信去apply。果team 0既隊長叫我今日去應徵。

其實都唔係太想去，因為send信果時主要因為自己心情未整理好，所以想走；但係而家情緒平伏返，又唔係咁想離開。不過身邊好多人都叫我去試0下，加上對方知道我要返工，好肯遷就時間，都算有誠意，so我即管去試0下。

Interview都係分筆試同見面，以前我好怕做筆試，因為成日都唔知問d咩，但係今次好輕鬆咁完成，因為問題一：你認為在家務助理隊工作最重要的是什麼？問題二：根據提供的資料，為服務使用者制定一份合適的照顧計劃。

問題一，係我成日晌team入面都諗0既問題，問題二，更係每日都做0既工作之一，所以今次筆試，完全冇難度。

但係面談之後，我就對呢份工失0左興趣，原來一個社工要處理220個case！雖然係容易做0左，但係數量未免太驚人啦！另外上面都提過，我都唔捨得班同事同而家serve緊0既老人家，所以我諗就算有second interview，我都唔會去啦！