28-11-05

今日又係要見工，兩份都係信X會，用0既時間都唔係好長，不過兩間中心都勁難搵，搞到我上晝果份遲0左到。

見兩份工個程序都係一樣：填履歷表→筆試→面談→等消息。不過我鍾意信X會0既筆試，因為兩份卷都係問應徵者點樣處理一個case，呢d問題實用性大好多，好過問「社會福利未來發展」呢d咁學術性0既問題。下晝見果份工，個主任仲直接，連自我介紹都省略埋，不斷咁問case study。

畢竟社會工作除0左要有理論，都係講落手落腳做0既。

經過今日，我更了解到自己0既缺點，就係太唔明白社會服務0既工作，雖然我係有做家務助理隊、長者中心同安老院0既經驗，但社會服務層出不窮，仲有好多例如家居綜合照顧、長者支援服務、護老者工作等，我都未曾參與過，所以晌見工0既時候，就好似唔係好知道呢d服務做緊咩。或者係咁所以d機構唔請啦！

其實而家資訊科技發達，好多服務0既工作內容晌網上面都睇到0架啦，每次見工之前花少少時間去睇，做到「知己知彼」，總好過兩手空空咁去打天才波，話唔定結果都會好d呢！