27-10-05

Polyian芬女脫離量地大軍行列，恭喜恭喜！佢就職0既地方晌我屋企附近，所以今日出去同佢0黎一個low tea(俾唔起high tea錢)，同埋聚0下舊。

我同芬女三年冇見啦，少不免俾佢話我肥0左好多，算啦，我都知0架啦…不過佢就冇咩點變，只係多0左副眼鏡，個樣仍然係好young，佢仲不斷同我講佢去馬會俾人查身份証、去澳門賭場又俾人查身份証……好啦，夠啦，我十八歲開始就俾人叫阿叔，ok？不過小Kit妹子話我近來好proud of being 30 something，梗係啦，都0左三十歲都仲可以咁有童心，幾開心呀！

而且我十八歲開始係阿叔，到四十八歲，我都仲係阿叔，代表咩呀？三十年不變呀！死未！

「江山易改品性難移」，芬女以前已經係一個講0野好細聲好斯文0既人(兩年同窗生涯裡面唯一一次聽到佢大聲講0野，就係tutor問駛唔駛俾支咪佢，因為聽唔到佢講0野，佢即刻將個volume提高起碼十度，全班同學嘩然：原來芬女都可以咁大聲)，到今日再見返佢，我仍然係要側起個頭，耳仔幾乎貼住佢個嘴先聽到佢講0野。

傾返好多以前返學0既事，笑到收唔到聲。好耐冇見過d同學仔，希望X’mas可以出0黎聚一聚啦！