29-07-05

今日返工用超乎平常工作0既速度，完成0左七成手頭上0既工作(千祈唔可以完成晒十成，唔係第二日返工就冇0野可以做0架啦)，於是上網fool around。一時心血來潮，返0左去以前個日記到。日記上所有問章都已經剷走晒，留返0既只有所有朋友0既留言。晌我決定開過個日記0既時候，我曾經諗過好唔好連留言都delete埋，但係始終都係唔忍心。好多人晌我以前個日記到留過言，到而家睇返，一樣feel到果種窩心0既感動。平日我唔打電話俾人、亦唔會同人晌icq傾好耐，但係其實我經常都有睇其他人0既日記，希望晌日記度知道朋友日常發生0既事，開心0既、唔開心0既，我都唔多唔少知道d。

睇返自己舊日記0既留言，都發覺其實都有唔少人關心自己，呢d朋友可能都係平日唔打電話、唔send icq，但係晌日記到知道我0既一舉一動、關心我，亦有d睇完日記唔like留言，但係都會擔心我遇到唔開心0既事。今日，我要衷心同大家講聲：多謝大家！