當大家見葉太辭職而咁高興o既時候,但我就覺得好可惜.o係newsgroup見到一篇咁o既野,好切合我感受,我估我唔可以寫得比佢更好:

"諗深一層, 推銷23條呢份註定犯眾憎, 註定要承受四方八面壓力既苦差, 唔係葉劉做, 而家政府內部有邊個可以勝任, 或者甘講, 有邊個肯食左呢隻死貓先...

佢就係做足十分咁先衰,又出席晒咁多公開場合,講多錯多.

單從打份工既角度去睇, 佢係打箭頭, 一個人面對四方八面既反對及甚至身邊鬧到仆街既聲音, 議會內又被反對派既議員群起攻擊, 有o的甚至爆粗tim, 比著你, 你可以點? 葉劉其實已經算係甘, 起碼佢只係黑起口面, 忍住道氣. 大佬, 打份工,上頭order落, 你做細既硬係要頂硬上架啦.

你叫黃宜弘個o的垃圾去做呢份工, 我肯定佢講唔夠兩句就同班反對派開片...

我唔係幫住葉劉, 不過大家諗深一層, 打份工唔係甘做可以點. 一位女人力敵所有反對勢力, 其實真係唔容易.

葉劉唔做, 我個人覺得有o的可惜, 因為政府少左一位能夠以一敵百/萬, 承受四方八面壓力既好幫手. 講真, 政府內部真正做得野既人, 愈來愈少...

作為一為打工仔, 上頭要你去market一樣野, 你做得唔好, 被人抄或自己請辭, 都係正常既事情, 所以我唔會因為辭職呢樣野而覺得有o的咩唔妥.

我只係覺得, 無能既政府裏頭, 好似葉劉甘硬淨, 有面對群眾壓力而又做得野既官員, 愈來愈少...

7.1遊行既人, 有o的lor佢死左既先生黎鬧, 平日出街或係學校, 佢個女又被人鬧同排斥, 好過份.

比著係我, 假如我死左既親愛既人或我既仔女比人甘對待法, 我一早心灰意冷辭職唔做, 唔會等到而家.

唔係同情葉劉, 不過, 希望香港既市民, 對事唔好對人, 同埋千奇唔好人身攻擊,特別係對死左既人同無辜既子女."