睇完truman show, 有d感受, 其實都係同睇完matrix個感受有d似. 比人控制同冇私隱o既感覺, 只係當時人先會知, 無論個導演點講, 都唔會改變到truman o既決定. 當truman比人玩到差d死都執返條命, 佢仲有咩唔敢做丫. 就算外面個世界有幾殘酷, 都係truman揀, 無論如何, 有d野都係要自己決定, 自己揀先會甘心, 同埋人點可以比人spy on 而仲當冇事, 繼續生活, 冇可能, 你比幾多錢佢, 都係咁話, 你忍得一日年, 忍得一年, 都忍唔到一世.

另一個問題: 你可能會覺得如果你係truman, 你唔會好似佢咁做, 正如個導演都覺得truman應該屈服, 但係, 你唔係設身處地, 你又點知佢感受? "there's no camera in my mind", 你永遠唔會知佢感受, 唔好將自己o既感覺, 經驗套o係人地身上, 就算兩個人o係同一個環境長大, 大家都唔會有一樣o既感受. 如果有d野咁簡單, 可以好似你講咁做, 就可以解決晒, 咁世界上就冇咁多麻煩啦, 我明白你對住我, 可能有d瘂, 覺得我點解有野唔講清楚, 有野唔解釋清楚, 唔去做d野改變, 但係你知唔知, 有時有d野我真係唔想再去做. 當你到某個時候, 你就知無論點費力都好難改變到, 可能你話應該試下, 我可以話比你聽, 有d野, 我做過, 但係吃力不討好, 我已經唔想再去做. 其實有d野, 你仲清楚過我, 如果可以咁易解決, 你點解要搬出黎住? 點解你唔同佢地講清楚? 你就係知有d野講左都冇用, 你先要搬出黎, 唔再去對住佢地, 咁就唔洗再煩. 而我, 我都已經唔想再去解釋又解釋, 你要明白有d人就算同佢講, 都唔會改變到佢地諗法. 但我同你唔同, 我冇條件搬出黎, 我唯有let it be........