我係一個容易guilty o既小孩子,記得以前kindergarten時,同個同學仔傾傾o下,我頂撞左佢兩句,係兩句,佢好似有dd唔開心,不過都冇乜野咁,但我就諗諗o下,知道自己講錯野,hurt到人,我就猛講"對唔住,我冇心話你",之後我仲guilty到喊.

到小學時候,試過好坦白咁話個同學仔,佢就話我冤枉佢,跟住就係咁喊,然後又有幾個同學一齊話我唔o岩,做乜整喊個同學,o個時,我就知,原來坦白係唔會有人話你誠實,反而會比人話唔o岩. 自此之後,我就學識講野要婉轉.

到而家,我係一個講野極婉轉o既人,冇人會知我真心o個句,有時,甚至我會連自己都欺騙埋.我唔係太中意講野,但我又沉醉於文字世界,我中意寫野去表達自己,因為我有思考o既餘地,就算講心入面o個句,都可以諗清楚先寫,寫得唔好,又可以擦返走,唔怕講多錯多.

但另一方面,寫出黎o既野,即使有助語詞,你唔會知我講野個真正語氣,始終冇咁直接,誤會好多時就係咁樣發生.而我最笨o既地方就係,我連講野都唔未必會將我真正語氣或感覺表達出黎,你會成日以為我好多野都唔care,因為我語氣好多時都好平靜.

我有時真係好憎我自己,做乜我個人咁假?做乜我敢怒不敢言?有時就算連人地誤會我,我都唔澄清,唔反駁?任由人地鬧我,直至佢地鬧到累之後收聲為止...