或許…未必…不過～～
雖然家陣仲提四大天王，感覺有少少成為過去式，但這一陣子黎明呢個名字，又再成為大家茶餘飯後的話題！一場個唱，又令Leon人氣急升，事緣由來唔長氣講，相信大家都清楚晒…
又講返啲陳年舊事，想當年…森伯熱買CD的時候，就正值四大天王時代，所以有很多櫳底的CD都係嗰時買！相比現在真係少之又少…
至於買CD的習慣，通常都係精選大碟，貪佢熟悉的歌多又抵聽！雖然未必首首都係森水歌，但起碼都叫首首識～
以前的精選碟一般都係新曲＋精選，畀人感覺一碟價錢，又有新歌又有舊歌都叫做抵買之選…想當年，買呢隻CD都係因為有呢首歌：或許…未必…不過～～回想起當時呢首歌好熱播！
一收就收埋好多年，近排因為黎明係話題人物，又再起櫳底摷出嚟講吓！打開個CD盒竟發現有張黎明歌迷會參加表格喎！森伯又唔係佢歌迷，都冇用啦～不過如果寄去又唔知到今時今日呢張表格仲得唔得…
諗吓都已經係N年前嘅事，或許…人已年邁，未必…要萬事休（亦可以呢個憂），不過…仍有團火～～呢句歌名的串連真係森伯伯嘅寫照！！
狂小子Time Is Changing
呢隻碟最好聽係情深說話未曾講同色情男女！
版主回應
其實呢隻碟當時買了，好少攞嚟聽…
搵日要聽吓色情男女～
kaka
剛剛聽完黎明的“也許 未必 不過“
我覺得不太好聽呀！！:D
版主回應
聽歌的口味人人唔同，隨著時間變都有唔同啦…
但呢首歌當時十分熱播……
ykk
幾十年後仲黎捉森滔, 森兄真係長情之人, 值得一讚!
版主回應
根本唔值一讚~~呢個時代長情,可能係一個缺點~~~哈哈
ykk
講來講去都係森層次問題, 森兄18歲開始買黎明CD, 計起上黎而家咪38-40, 以後唔好伯伯聲啦!
版主回應
本來就簡單架啦,都唔係咩深層次的問題~~
點解講講吓黎明CD，變咗「猜猜森伯幾多歲」?!!.....XXD
搞一爺
應該係風濕骨痛攪到森仔自我歲數認知障礙症，病發時身體僵硬到好似老人家，影響心理。
即係叫八両金情深款款咁唱情歌，啲人唔係大笑就係大嘔。
我唱K時未唱過阿lam啲歌喎！都係揀當時流行曲，啲人會嫌棄你唱老歌，下次唔叫你去架。
版主回應
又話認知障礙，又身體僵硬…咁講真係畀你激到身體僵硬（瓜咗！）都唔得喇！話明森伯伯，當然係老人家，陣間你又話森伯唔認老…
如果咁樣！唔係你似八兩金唱情歌的問題，係你啲朋友素質有問題咋…XXD
咁你好精…識時務者～～咁啲老歌留番嚟同森伯去唱Ｋ先唱喇……
搞一爺
係你自己死充叫森伯，我一直都係叫你森仔，必定相信二十年前買碟時係好年少啦！以你依家唔跟潮流嘅性格就一定唔買。
我唱K時都有唱過黎明啲歌貪佢易唱，最難唱係張學友嘅。
版主回應
森伯邊有死充，是事實嘛！你一講廿年,時間真係過得快～新歌都變老歌啦！
都唔一定！喜歡的舊歌都會買，未必跟潮流…
咁你當時唱黎明嘅歌有冇情深款款咁唱呢?!!相信必定顛倒眾生…哈哈哈
學友嘅歌唔算難唱，阿Lam嘅歌先難唱，歌唱比賽好少人揀唱佢嘅歌~~
ykk
情森欵欵, 薄暮黎明,
有情CD , 情森似海.
版主回應
...咁多情森說話未層講?!!哈哈哈
而家都好少攞起CD來聽~~呢隻碟差唔多封晒塵...
stella luk
咁睇嚟你很年輕，當年我仔女都係買佢同學友的CD啵！
版主回應
其實以前的黎明,我認為唔算得上實力派歌手,全走偶像路線,歌迷都以青少年為主,不過出道以來都有很多為人熟悉的金曲,就算今時今日開個唱,大家只是尋回昔日的回憶...
搞一爺
森仔咁有森度嘅,又點會喜歡當時嘅偶像派歌手？當時嘅妹妹仔係貪佢高大靚仔喎！唔通森仔都係同一樣。kakaka
版主回應
哈哈~~乜鍾意佢嘅歌就代表冇森度?!!因住leon畀啲金句醒你呀~~XXD
買的時候森伯好young架咋!!唔知你信唔信XXXD
只係有啱聽的歌就會買,以前CD舖盛世,仲記得間間舖都播佢嘅歌...
Gael
我好似都無買過佢啲CD...@@
咁森兄有冇參加過咩歌迷會之類呢?
版主回應
leon係當時得令的歌手,總有些歌曲想儲起的~~
森伯唔會特別迷偶像,所以冇入咩歌手的歌迷會...
呢隻碟最好聽係情深說話未曾講同色情男女！
搵日要聽吓色情男女～ 2016-06-06 09:32:10