用呢首歌開頭，真係十分之貼切！早陣子前去過香港的蠟像館，內裡真係好多個名人明星──嘅蠟像，因為之前都想去睇吓！！而啱啱又睇到S博友的好介紹，話壽星仔有得免費入場，唔講唔知，真係唔該晒嘞！！於是乎趁唔知幾多歲大壽XXXD就去問問！而且同行的都有優惠！身為港人的確有很多「本土地方」未去過，實在要搵時候去多多見識見識！

查實上去山頂，沿途風光真係有少少似再之前去過嘅Sky100，因為山頂都有個觀景台，可是今次之行冇乜時間逗留，主要係睇蠟像館！

講返啲蠟像，入到場館內，所有人都只做一個共同動作就係映…映…映…

數吓數吓真係幾多蠟像，若果全部映真係要好多時間，不過佢入場冇定時限，鍾意行幾耐就幾耐，任映唔嬲！

因為太多蠟像…所以唔會逐一post嘞！分開一組組睇會清楚啲～～

打頭炮就（男神女神組）

或者森伯out out哋啦～新任的男神冇蠟像，女神又唔知邊位，唯有睇住懷舊版先…哈哈

（三大天王組）

睇嚟睇去都係得三大天王，唔見學友個蠟像喎？係咪館內冇呢？！知道請相告…

（外國星星組）

館內都有幾多外國的名人明星，熟口熟面但你未必記得他們名字，唔緊要側邊有他們的介紹～～

（懷念星星組）

令人懷念他們的演藝才華，透過蠟像又可重現他們的巨星風采！！