每逢換季，都要睇睇今年需唔需要買衫，雖則話時值冬季，但仍然感到時冷時暖，可能季季的氣溫都差唔多，所以都冇咩需要添置新衫，但若果太舊太耐都要換換！於是趁假期就一於Shopping吓…

今個冬季做綿褸生意都幾傷，太厚的褸都冇咩人買，見到C字頭的服裝店（買厚褸為主的店）幫襯的人都唔多，通常要買好厚的褸多數去外國先要，而聽到新聞各地都有暖冬情況～其實在香港近呢幾年冬季都唔太凍，所以森伯都唔需要買厚褸，反而用風褸代替！裡面著件冷衫都已經夠暖，而且外表也夠輕便，所以今趟專攻風褸……

見到羽絨褸，隔綿褸之類…已經感到成身汗！～～

森伯買衫好簡單，睇啱試啱就買！自己又未試過網上買衫，始終都要試著過先知好唔好，就算尺碼OK但著落都未必好睇！！

最後都有少少收穫，呢件風褸質地幾特別，而且企領著起就冇咁薯嘜！（本身森伯係薯嘜類…）另一件係燈芯絨恤衫，已經好耐好耐冇接觸過呢種物料，未著睇到都已經暖晒！有呢啲衫總算過一個暖暖地的冬天啦！！

同場仲買多對對錶！因為要送人（親人）的關係，本來想買太陽能，但太陽能好少有對錶款…不過款式都未必係重點，收禮人都未必會戴只作紀念啫！所以就以簡單得體就算～

今個冬季冇打過邊爐…又冇長者聖物暖風機、抓毛褸，但依然好warm好warm…唔係森伯個身體fit咗，而係天氣真正暖咗啫！！哈哈