森之誘惑…
相信每個人都總會有些東西，會特別偏愛！偏愛的顏色…偏愛的音樂…當中一定唔少得偏愛的食物…口味人人唔同啦！對森伯來講對椰子又幾有獨鍾，唔單止是椰子味，連椰絲、椰蓉、椰汁、椰肉都喜歡，都唔會抗拒！
自從睇到廣告，麥記會推出一些椰子新口味的款式，就已經想試試，不過剩係想試呢款椰子批，其實麥記出呢類的果批感覺都唔太差，之不過怕食多無益啫！但真係好唔明呢款椰子批點解個皮黑炆炆？唔係應該白雪雪咩？！當然受唔住誘惑要食食啦…
一講開麥記，好多人都會即時諗到唔健康，查實佢都希望增加多些健康食品款式！好早前就攞了一份麥記出的小冊子…
森伯咁老經驗都畀佢嚇咗一嚇，麥記的宣傳單張竟然會有食物金字塔兼且講健康飲食（似似地衛生署出嗰啲style）…都唔知算係潵招牌定拆招牌！點都要攞份睇下！哈哈
講開喜歡椰子，仲記得有次去到餅家買咗一款好傳統的餅食叫椰山（又係受唔住誘惑！），一食就令自己永世難忘，嘩～～簡直甜到漏！一啖等如十粒方糖嘅甜度，甜到口涸要買嘢飲！真正知道咩係甜到入森入肺，當然唔敢再食椰山啦…
搞一爺
好多時，我信科學數據多過乜乜達人，不過，日本某某醫生嘅尿療法就一定唔信，儍人至跟。
好明顯個黑白主題唔work， 啲黑、白包都唔吸引，金黃色喺視覺上好食好多，開發初段應該ban咗呢個ideal。
版主回應
雖然信科學好似理所當然，但科學時時都可以推翻...而乜乜達人唔係隨口UP，係他們睇過很多例証所得出的結論，據他們所講某地方的人（古時至現代）常常食用椰子和椰油，他們也很健康，而當地的人好少要做心血管的手術～當然信不信自己判斷!!
現今的人點解咁多心血管病，原因係人造脂肪咋～因為人工造不是自然有的油，食得多咪搞到血管有問題，所以美國現在禁止人工反式脂肪～總之樣樣唔好過份食用!!!!
諗嗰位仁兄，應該係整蛊麥記...哈哈
kaka
我都鍾意飲椰汁，最愛食椰汁馬豆糕、飲椰青水。
椰子油有乜用架？？
版主回應
原來都幾多人喜歡椰子食品,去飲茶一定會選椰汁糕~~
據講椰子油好多好處,有機會可以講講...
amour
外用和食用都會！
ykk
墨記黑森椰子批個賣相不討好!
版主回應
直情嚇壞!!話明係椰子批應該白雪雪就較為配合~~
又唔知是否有期限供應,現在可能已經食唔到...
amour
我間中有用榔子油，覺得不錯！
榔子食物，只愛椰子雞湯！小時候，吃過XX記椰子糖，覺得太甜，自此絕食椰子糖！
版主回應
果然識用椰子油喎!!你會外用定食用呢?!!
若果有皮膚問題(初起),我都會搽椰油好快好番!!
你講嗰隻糖我唔係怕甜,係唔喜歡糖太硬~~
ykk
Yeah! 森兄有冇試過椰子雞湯，好滋潤!
版主回應
Yeah! Yeah! Yeah! 椰子雞湯直情超好飲啦!!
森媽煲呢個湯好正架!!
新聞台Blog小天使
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
謝謝新聞台小天使的支持~~我會繼續寫些好文章,希望得到你們的關注!!
稍後會去哈燒文章區看看!!
Gael
咁椰汁糕同椰青食唔食?
麥記批類我只鍾意紅豆批咋,其他都偏甜了
版主回應
每次去飲茶,通常椰汁糕必選!!椰青水就OK啦~~
呢款椰子批適合怕甜的人,只是微甜咋!!
都好想試晒其他批,通常得個諗字而已...
只食過蘋果批同椰子批!!有機會試下gael介紹的紅荳批...
搞一爺
椰醬二重奏，色香味俱全，除咗用鼻索，仲佔據埋森口喎！我諗太刺激都係唔啱森仔玩。
拎嚿炸燶咗黑碳頭出黎畀客食，見到都唔開胃，麥記設計總厨要炒啦！
乜唔係炸黑咗嘅食物會有致癌物質咩！有冇通過安全檢測架？
我都好鍾意椰子有關食品，不過，最近（十年前）先知椰子含不健康嘅飽和脂肪酸，食後會引致壞膽固醇，唔想塞血管、中風，好驚驚，少食咗！
版主回應
森仔呢啲老人家邊樹玩得咁刺激!!都係留返畀你哋後生仔玩好過啦!!哈哈
你哋誤會晒嘞!!!!佢本身個椰子批係黑色!不是炸燶咗黑碳頭,係個黑白對比嘅系列~~
椰子油正反有兩面,好定壞都有人討論,很多養生達人都認為椰子油係好油,認為常吃有益,椰油有機店隨處搵到~~只要唔食到好過份,都唔駛咁驚青...我間中的飯餐都落一兩匙有機椰油喎~~
stellaluk
我對椰子又係偏愛，但多吃無益，所以有節制。你的批太焦，下次要求更換啊！
版主回應
相信很多人都擔心椰子所含的脂肪,但正反有兩面,凡食物都係適可而止最穩陣!!
哈哈...呢個批本身係黑色唔係太焦~~你睇招紙上寫著黑白椰子批~~是專登做到黑白對比!!
搞一爺
咁我叫森仔情人喺身上搽上椰子醬去誘惑你。kakaka
版主回應
咁麻煩你再叫嗰位森仔情人搽椰味香氛得啦！唔駛搽椰醬搞咁多嘞…XXD
好多時，我信科學數據多過乜乜達人，不過，日本某某醫生嘅尿療法就一定唔信，儍人至跟。
好明顯個黑白主題唔work， 啲黑、白包都唔吸引，金黃色喺視覺上好食好多，開發初段應該ban咗呢個ideal。
現今的人點解咁多心血管病，原因係人造脂肪咋～因為人工造不是自然有的油，食得多咪搞到血管有問題，所以美國現在禁止人工反式脂肪～總之樣樣唔好過份食用!!!!
諗嗰位仁兄，應該係整蛊麥記...哈哈 2015-08-31 09:07:31