筆下的鸚鵡…
雖然話森情小品除咗講長者森伯的生活點滴之外，仲想跟大家分享一下自己的畫作，感覺好耐冇post過畫出來，一向都喜歡畫動物，動物的神態比較易掌握，而畫人物就難拿捏得好，所以畫動物比較多！早前因要收集些動物畫作素描，所以就不停畫不停畫，除了買些動物素描書本之外，仲在網上搵些圖片再下載過來，如果憑想像就未必畫得神似，一定要實物或者參考相片就會畫得好～
先用素描鉛筆畫好初稿先，後期再上色！不過初稿都唔可以馬虎，撩幾筆就算，一定要尋常畫…認真畫…先得～
以前會用水彩或者水彩木顏色筆上色，不過色彩較淡，而且隨著時間會走色，如果要保持色彩鮮艷，自己認為電腦上色會比較理想，尤其畫鳥類，色彩鮮艷至為重要！
畫中為緋紅金剛鸚鵡，原產地為南美洲亞馬遜河流域，是有名的寵物鳥，外國地方大養就好，但香港養就嘈到痹…哈哈哈
至於幅畫作畫得好唔好呢？！大家不妨畀吓意見！
順帶一提：唔知大家會否喜歡這類素描動物畫?!!......有人同森伯講，時下的人鍾意“咔哇依”的插圖多啲！會比較有市場，呢類畫未必有咁多人會欣賞…森諗：都或者係啦，純粹畫來會知音就差唔多…哈哈：P
近排煩事一單單，所以不得不稍停吓寫Blog，當事情明朗化之後再繼續森伯生活的點點與滴滴，暫時唔會去拜訪大家！見諒！不過仍會在森Blog覆各位留言！
亞U
剛畫了你這篇卜的鸚鵡,我記得我十幾歲時，很喜歡剪關於動物的報紙圖片..我反而愛畫人物.
版主回應
有機會一定要睇睇,現在有網上圖片,想畫什麼動物都較易~~畫人物我好不在行,的確我要用些時間在練習~~
繪畫樂園
你是用咩軟件畫架，畫得好好喎。
版主回應
好耐冇見...多謝讚賞~~
把畫Scan後,用photoshop軟件上色!!
kammy
森伯, 天氣急降呀~記得著多件衫保暖呀~^^~
版主回應
好多謝你關心～呢排真係幾凍，好似話來的幾日會回暖，相信會舒服一點...
man-man
隻金剛鸚鵡畫得好靚呀。
版主回應
多謝呀Man-Man！
我已經睇了很多圖片才能畫得這幅圖畫～～
Gael
Hello Hello~~~~森兄幾好嘛^^
版主回應
<<Hello Hello~~~>>做咩好似好生保咁!!哈哈哈
是關很多事要做!做好後再寫blog,再去探你啦!!
amour
快將煩惱盡忘記
愚
我記得中學時一課素描(貓頭鷹)，要度位，要逐部份落筆，講真我當時覺得好煩，冇耐性，一落筆就畫，比老師睇到，罵了一頓，但結果我幅畫被選出來，掛在走廊。哈哈...咁腐碌都得﹗不過，我都係對素描不大興趣，哈哈....。
另外，祝願您的煩事逐一解決，雲霧盡快消散。加油。
版主回應
又唔同意你以前的老師,畫畫習慣每個人都唔同...有啲可能鍾意畫個初稿,有啲可能一落筆就畫...隨畫家自己喜歡吧~~後來你幅畫掛在走廊,證明靚就值得畀大家欣賞,唔算附碌~~畫素描唔錯!畫得鍾意都幾有滿足感架!!
謝謝~~希望快快可以見青天就好嘞!!哈哈
搞一爺
畫甩毛鸚鵡係好有深度架，表現出後現代人最純真嘅情感，失去至愛而變得自閉、自殘嗰種哀痛，好似蒙***的微笑有故事嘅畫係最引人入勝架。哈哈！
除咗你諗到嘅方法之外，出家去施姑庵做和尚，都可以脫離煩塵。
版主回應
乜甩毛鸚鵡代表後現代人的純真感情咩??一爺梗係拍拖拍到暈晒浪~~哈哈哈哈!!
森伯畫嘅畫好簡單,邊有蒙XXXXX咁有含意,啲人知道森伯畫乜已經偷笑~~
咁你又激得滯...脫離煩塵都可以搭幾蚊車去郊區行下都一樣啫!!
kammy
動物都唔易畫呢~鸚鵡畫得好靚呀~其實每個人喜歡既野都唔同,不能用個人標準去量度,所以森伯不要受別人影響~^^~希望森伯快點處理左d煩惱事,快d回復心情啦~天氣好凍呀,記得著多件衫,唔好凍襯呀^^
版主回應
只不過自己畫動物比較擅長!!多謝欣賞!
對呀!每個人都有各自欣賞的東西,好多創作者也希望能吸引多啲人欣賞吧,這也是無可厚非的!森伯不想受人影響,只是事實與想法往往有出入啫!
我都希望煩惱事盡快走...謝謝你的關心~~
ykk
鸚明神鵡! 後會可期.
Gael
如果有張水彩人手上色的對比一下才睇到有乜分別,單憑想像諗唔到:P
有冇試過畫電影海報?
船到橋頭,祝福森兄快快解決麻煩事,羊年萬事勝意
版主回應
你用開電腦畫圖都知…人手上色色調實差少少，post出來會較淡色～
家陣好少人畫電影海報架嘞，森爸較清楚，學美術是繪畫電影banner之類…
謝謝～問題事可望盡快解決…唔駛等到羊年～
kaka
隻鸚鵡好靚呀！
希望你盡快遠離煩惱事！
版主回應
謝謝KaKa~~
遠離煩惱事...呢個我都希望!!
stella
很傳神呀！要繼續分享呀！
搞一爺
好似喎！
咁甩毛雀易唔易畫？
畫畫揾食難唔難呢？
近排煩事一單單……就快又農曆新年，祝森仔盡快脫離煩塵！
版主回應
謝謝~~
無端端畫甩毛雀做乜?!!
畫畫係正職的人唔多,多數兼職,業餘...有名氣就比較易搵$$
脫離煩塵?!...乜講到好似瓜得咁!!XXD
ohtria
森伯開檔畫畫啦!
版主回應
我諗香港開畫檔...賺埋都唔夠檔租~~XXD
最怕森伯啲畫拍烏蠅~~~~
剛畫了你這篇卜的鸚鵡,我記得我十幾歲時，很喜歡剪關於動物的報紙圖片..我反而愛畫人物.