2014-11-20 09:22:04森源
一格老闆
始終投資股票都好講彩數同運氣，好唔靠得住！但係…有一種投資，雖然未必有咩實質回報，但當為一舊試金石或者都未嘗不可，現在的時勢，相信要做個小老闆都唔容易，香港的租金昂貴，仲有人工，燈油火蠟…呢啲支出都唔嘢少！尤其一啲冇咩資金，又想試下做賣買，相信格仔舖都算係一個選擇，記得大約好幾年前，格仔舖都成為過趨勢，好多人都想試玩玩，租一個格仔，你想賣什麼都可以放入去，店員就幫你收款，好賣就可以隨時去添貨，唔賣得租一個月試下都得，好隨意，等到月尾來結算。我諗當時在一個人流旺的商場，或者會好生意，起碼都搏多人睇…
時至今日，一些小件物品，潮流小玩意，電子週邊設備等等…統統都可以上網搵到，而且價錢仲要唔貴…能夠賣的，就只有格主獨一無二的東西（手製創意），呢樣就反而會有人Buy…
格仔舖都有一些特定的對象，通常都係學生…尤其女學生，通常放學後就會逛下附近商場，所見當日都有好多學生去睇格仔舖，不過格仔內的貨品真係好參差，有些貨品幾好，有些真係唔知佢想賣乜，電線cable都有幾條（我諗係電子產品卦XXD）
我就未租過格仔賣東西，貪得意就入舖問問店員，店員就畀張咭片我，原來租一格都幾貴（親自問的時候$500－$800）直到而家在網睇就$1450－$2050！以前都仲有二、三百蚊成個月，通常eye level的格仔都特別貴…
假設有一個格仔舖，森伯都未必諗到賣乜，更何況賣晒所有家當都未必圍到租本呀！！XD
500-800好貴呀~~不知能不能回本
版主回應
500-800只是前排價，而家要$1400-$2000...貨品冇返咁上下質素都唔敢租~~~ 2014-11-24 13:55:03
租金貴，創業甚艱難！
版主回應
可能因為咁，埋沒很多做創意的朋友…畀人認識的第一步也行不到~~ 2014-11-24 09:34:22
好多野係要用時間慢慢建立,要快搵$,就絕對不適合我們這些玩創作的人. 森伯一有機會多d分享係網站, 總會遇到知音人邀森伯合作的, 森伯唔好因為租金而煩惱了, 租金唔代表會幫到你任何野,最緊要相信自己就可以了,森伯加油呀!!
一有些畫作我都會放上分享網站,到時希望你畀吓意見~~ 2014-11-27 08:42:31