2014-11-17 11:57:43森源
人人皆股的年代…
最近呢幾年，電視突然多了很多投資節目（創乜坊呀…投乜多面睇呀…），聽電台又係講投資，咩陸叔、青姐之類…就算連森伯呢啲連小米都未清楚係乜的時候，已經知道有個小魚大茶飯的投資環節，彷彿投資股票就成為我哋每日必要留意的資訊～你又聽，佢又講…令到很多本來唔諗到要投資股票的朋友，突然間都變得好關事！
以前（森伯細個年代）覺得投資股票屬大件事，絕對不能輕舉妄動…直到而家的股票賣買就變得非常簡單，唔怕你唔識，至怕你唔參予…今日的滬港通就正正吼準呢個時刻「通車」，又唔知大家會唔會蠢蠢欲動而有所行動？！
其實投資乜東東，都唔係人玩你又識玩，投資真係好睇個人的承擔風險的能力（財力），有好多港股你都未必知佢做咩生意、性質同實力！更何況…
買股票唔係買「估」票，靠估估吓唔得架！所以真係要做吓功課！
投資都已經成為我哋生活的一部份，眼見樓價物價不斷上升，儲蓄的錢就不斷貶值，「投資」就成為一種增值的方法，有時覺得「投資」同「博彩」只是一線之差，而兩者一樣的就係切忌貪！
推啲銀仔出去帮我努力工作賺錢。
版主回應
推啲銀仔出去...賺錢!!睇嚟一爺都搵唔少喎~~有咩投資心得咁呢?!! 2014-11-18 09:02:52
唔好講咁多快啲畀幾個number來XXD
版主回應
我都等人畀個number我喎!!哈哈
2014-11-18 08:57:32
我嘅山埃貼士係五、六月入貨， 九、十月出貨，賺錢機會大。
你的貼士要好好袋住先,來年睇下應唔應驗... 2014-11-19 08:49:27