2014-01-15 14:08:58森源
羊毛暖在「森」
一年裡面，我認為最凍的時候就係一月二月，就正正係呢個時候！在香港真正凍的時間唔多，最大最厚的禦寒衣物呢個時候就啱用～否則就繼續要擺在櫳底嘞！冬天又唔一定要著得擁擁腫腫，所以好多人都會買件羽絨褸過冬……雖然家陣羽絨盛行，價錢變得大眾化很多！之不
過，對於森伯來講，都寧願反璞歸真，買返件純羊毛衫著都唔錯，唔知大家是否嫌老土，一或現在的冬天已經唔會凍得太耐，所以買真正的羊毛衫已經少見，現在所
見的冷衫，多數是用人造纖維造成！有時經過長沙灣都見到一間超老字號的利工民舖頭，舖頭前面仲有懷舊的小學薯仔嘜校褸展示，彷彿回到森伯讀卜卜齋的小學年代…
又扯到幾丈遠…帶返入正題先！現在每日氣溫動輒都有十幾度，所以都要著返件羊毛底衫打底，都一樣係老字號出品─龜仔嘜！！其實件衫個款好型，事關佢本身不是底衫是面衫設計，只因太凍時會當底衫著，既輕巧又可以機洗，本身質地好好！！無花無假，著了真係暖很多，又唔需要著太多衫…你哋都明喇！老人家唔係好凍得，一陣又要撳平安鐘就唔好啦…..XXXD
最主要羊毛的生產過程冇生產羽絨咁虐待動物，而且現在羊毛衫的質地已經改良很多，尤其在大公司買的，利東民、龜仔嘜、樂魚恤呀…森伯以用家身份都認為唔錯！
某日經過一間買羊毛衫的小商戶，裡面相信買純正的羊毛產品，以羊毛衫為主，店內仲有三隻小羊做代言，表明店內貨真價實！！見到三隻小羊，暖意隨即透入森呀！！
試過龜仔嘜棉質底褲，平靚正！ck都要企開
版主回應
龜仔嘜的底衫底褲都好一般！所以冇再買…冷衫質素比較好，但厚褸個款有點過時…
ck太貴冇咁嘅必要… 2014-01-22 09:21:04
D傳統舊牌子其實都好品質，我就試過龜仔嘜，D棉ok
版主回應
唔知你講是否白底衫，買過著品質一般，但佢出的羊毛衫就唔錯！
2014-01-21 16:34:49
^ ^ 真係唔識入0黎哩編新卜呢.. 今年真係冬好多.. 唔太鍾意太凍.. 我比較喜萊歡陽光 海灘. .香港冇灘都咪咁又濕又福 呢 ... 森仔 準備好年貨未?
反而我覺得今年冬天不太凍，可能每個人的感覺唔同！
我冇乜年貨準備！唔係太多東西買…… 2014-01-22 14:31:50