2013-11-13 17:10:58森源
齋talk環保－森伯支筆筆
講到環保，都可能已經成為大家生活的一部份～視乎呢一部份是大還是小！當然啦～個人的力量始終有限，只不過做好過唔做～～唔好睇少呢一分微力，能做到聚沙成塔先會奏效！
相信大家都知塑料廢物好難分解，所以如果有人發明一樣物料，可以取替塑料的話…而最重要同塑膠一樣可以多用途，既經濟又環保的話，分分鐘可以攞諾貝爾獎…不過在生活用品裡已經有些用料可以逐步取替塑膠…
至於呢支筆外表同膠筆冇咩分別，唔講都唔覺，原來佢用可分解（穀殼之類）的物料所做成感覺好輕身，用完掉了又唔會破壞環境的！
而呢支筆所印有的Logo，一睇就知在自然教育基金會買，咁我又唔知外邊有冇得買？！因為買了很耐，用到現在都仲有墨…除了原子筆之外，呢間店仲有很多其他生活用品賣，當然佢話樣樣都環保，那日睇見報紙講，遲些少會出環保洗頭水，又唔知真定假呀？！可以堂買，亦可以網購，適隨尊便～～
我認為生活上只要儘量用少些塑料，就已經可以減少了對環境的負擔！！
好多年前，已有用墨水筆習慣，連筆心都慳番！
版主回應
用墨水筆都好環保，只要補充墨水就可以...之不過唔小心好易整污糟~~ 2013-11-18 14:53:55
環保意適,其實近年都高咗,不過硬係未可更上一層樓