2012-10-12 09:50:23森源
秋風起～食Crispy Sandwich
查實家下都無分什麼時候食什麼東西，好似夏天都可以打邊爐，冬天仍然可以食西瓜……好似家陣秋風一起，都唔一定要食臘味，都可以食下雪糕…….
記得好耐以前，都有一種雪糕三文治，用長方形紙盒裝～～印象中出了一段時間又好似消失了…在膠盒裝未流行前，雪糕是用紙盒裝，好似細個時食的三色雪糕都是用紙盒裝！！以前細個食雪糕比較多，人大了就漸漸少食，只是間唔中都會買～
只食雪糕或者會單調少少，所以都出了很多款的雪糕產品，好以雪方蛋糕，雪糕脆皮條等～～不過自己就喜歡雪方蛋糕多些，起碼唔會太凍！！
呢款雪糕三文治食落味道淡淡地！！可能佢用的材料無咩人工香料味啦！！而裡面的雪糕亦無想像中咁實淨…….反而似奶昔三文治～～（森伯又誇張左少少）
一攞出嚟真係要快ｄ食，唔係未溶到口，已經溶起手……
自己對雪糕的要求唔高，都未必會嚐到好與唔好的分別～總之覺得最簡單的白色云尼拿雪糕，是最好不過！！