廣東人一向都很喜歡煲糖水食既，所以有地道特式的糖水舖都開唔少～～據聞呢個秋冬天時，糖水都可以滋潤一下五臟六腑，加上適當的材料，都可以作為合時食療…可惜依家的人每日吸收糖份都唔少，所以家陣就等森醫師（森伯又響度扮醫師）推介兩款合時水果，都同樣有此功效～～

牛油果

牛油果含油性，乾燥天時就最適合不過！！好多人都認為牛油果會好肥膩，但事實又唔係，而且牛油果含的是不飽和脂肪，對心血管有益，跟花生相同架！平時打邊爐食少兩塊肥牛，反而食個牛油果仲好！！

牛油果就咁食又得，打成漿飲又得，用果漿搽麵包都得！！

日本巨峰提子

巨峰提子含糖份高，用來滋潤就最合時宜！！因為它比一般提子甜，相對醣份也自然高些，而且它所含的是天然果醣，相對來講果醣較易被人體代謝！據本草講葡萄有潤肺益氣，怯寒的功效……平時飲少罐汽水，食些巨峰提都唔錯！！

日本巨峰提的一大特色是，不用搣皮一唧就皮肉能分開～～而且大大粒紫黑色，枝節很少～～此葡萄的確好正！！

聲明：當然每個人的體質也不同，怕胖的就因應個人酌量食用！畢竟水果對人都有裨益！！