今日七點鐘就要起身,仲要”呯呯”聲咁換衫,刷牙,洗臉~~超趕><"

之後就白白痴痴咁同成班人o係塊空地度做早操,同埋玩埋啲低B玩戲,不過之後就食早餐~~勁開心^^

之後我O地就要分組各自進行一啲挑戰,不過之前就要同組員決定究竟想進行一啲自我突破嘅挑戰,定還是一啲講求團隊精神嘅挑戰,而我O地組當然揀咗後者啦,結果我O地要用八碌竹,廿條繩,同埋四個桶嚟整一隻竹筏出海,原本一切都好地地,但係點知就o係我o地換位嘅時侯,我o地隻竹筏竟然散晒,所以我o地唯有游去岸邊再整過,之後再出番海,點知我,阿樂同嘉嘉坐o個個桶居然又爛咗,所以我o地唯有一面落水游,一面推住隻竹筏向前,中途仲要比個工作人員串(佢話佢做咗兩年,都係第一次見人沉~~激死@@")~~超級勁攰><"

之後我o地全組人就濕住身咁去食午餐,跟住又濕住身咁玩其他遊戲~~勁唔舒服><"

食完晚飯之後,我o地就入咗禮堂聽咗成兩三個鐘無聊o野,之後就返房,大佬熙今日好早就瞓咗,所以我就上咗樓上同鄒佬,文綸,林夕....吹水,鋤D~~同佢o地都幾好玩^ｖ^

最尾我玩到兩點幾三點先落番去瞓,當然今日又係同大佬熙一齊瞓啦~~哈哈^^"