今日九點就起咗身,因為尋晚約咗伊洛今朝十點睇早場,點知原來佢話睇十一點,所以就喺屋企聽歌~~勁眼瞓~0~

睇完<<千機變>>之後,我o地出咗元朗食飯,跟住就喺元朗無無聊聊咁逛來逛去,後尾搵埋柏寧去打機~~無聊~.~

八點幾,我o地買埋咗米線,滑粉去柏寧屋企食....

十一點左右,我自己落咗Enjoy(因為林小斌今日生日),去到嗰度,我已經見到好多好多人,林小斌啦,Stephy啦,Jessie啦,呀Tim啦....之後我o地幾個就開始玩骰盅,猜枚,搞到我一杯又一杯咁飲~~開心死^^

後尾我出咗去傾電話,點知傾傾吓嗰陣,Jessie跑咗出嚟,話有人查牌,所以我同佢就勁跑,之後跑咗去一條後樓梯度蔽埋,跟住我o地就去咗新元朗中心嗰邊個公廁(因為我勁急),之後我o地就行番去Enjoy,繼續飲~~驚險@_@

兩點左右,威威同聞哥都嚟埋,但係過多一陣,佢o地就拉咗我走,後尾我送咗伊洛搭車之後,佢o地仲迫我去帝皇食o野(我食咗一盅窩蛋排骨飯同埋一杯豆漿)~~激死,不過都好多謝佢o地^^

之後就搭我同威威,阿Ken,阿Jack,仲有滾鴻仔的士返天水圍,之後我就自己去咗七仔飲o野,跟住我打比威威叫佢落嚟陪我,不過佢好攰,所以冇落到嚟,之後我見無無聊聊,所以就返咗屋企大覺瞓....


★★★好多謝今日所有迫過我走嘅人,多謝你o地嘅關心,我知道我今日成為咗大家嘅負擔,真係唔好意思,不過其實我真係冇o野o架....哈哈^^"★★★