電視台有好多荒謬既地方 對我而言 佢代表腐敗古老 一直停留係八十年代既東西...而呢件由D腐敗總監經理把持既電視台亦創造左不小 不解之謎

係綜合性表演節目 最大不解之謎係點解每年港姐例必要兩手叉腰 兩腿左前右後 塊面好似M記叔叔咁笑到個嘴起角 而呢個咁滑稽既舉動竟然可以由第一屆維持至今 更甚者是每個佳麗都是同一動作 無論何時何地只要她們不必跳火圈演馬榴戲扮CATWALK一企定就會出現呢種所謂例牌動作及表情 .令人覺得佢地只係一班被無線化裝組化左個OUT到嘔既核突裝SET左個核突頭既 芭比公仔 ,買肉買笑, 無個性, 機械化 .

節目就係聽班準港姐既無聊對話 同果個可憐既舞台總監每年都走出黎話個舞台點樣點樣創新 唔係加D水柱就係加火圈 真係想知佢既創意係咪base on馬戲團 . D主持唔核突都唔請 請埋個最似MK人既長老"懶叻" 重自稱美與智慧既化身 簡直愚弄大眾既智慧 .

第二個不解之謎就係兒 歌 金 曲 頒 獎 禮. 或者大家都應該認同 就係呢個年代已經唔係小朋友週街唱叮噹足球小將既年代 總而言之 係越黎越小細路唱兒歌 ''唱兒歌?你傻架依家與COOKIE喎哥哥 拿我 唱 COOKIE聖誕歌比你聽" "喂 你睇小明 唱XX卡通D主題曲喎正傻仔"

我地唔好怪依家D細路仔早熟或者無童真 因為.... 佢地都只係受害者姐... 你睇D兒歌明星唱既歌 , 一句說話 難聽到嘔 只係淪為D新明星既洗腦宣傳工具. 唔係明星唱既 就係由安德尊同埋一位中年老伯醫生著起一D同佢地年齡不相乎既衣服 (EG CAP帽+加大碼童裝連身褲, 藍寶石王子FEEL之類) 重要載歌載舞唱埋D低能歌詞 . 乜野事呀 你依家做緊兒童節目唔係玩緊戀童易服癖派對啊 阿伯. 試問我地社會未來棟梁 面對呢種反智低能既兒歌 可以點反抗? 咪唔聽囉....

第三個不解之謎 飲食節目點解會有名流教大家煮野食呢 大家可能唔留意呢 近日飲食節目加插左一位千金小姐大家點樣煮甜品 不過佢唔係教大家整旦撻 亦都唔係教大家整朱古力而係教大家點樣整官燕旦撻 同點樣整法國朱古力慕絲 見佢咁落力咁教我地整呢D野真係想同佢講我屋企無一級官燕 無一級血箋 無吉品鮑 無歐洲進口朱古力 屋企無幾個賓賓幫我玩完煮飯仔後執頭執尾 無全套焗爐餐具 無機會用成日時間去培養D咁高檔既樂趣.

當個飲食節目不斷播出D極品昂貴菜式,個主持駁命咁飲高級紅酒 我腦海忽然冒起一句" 朱門酒肉臭 路有餓死骨 ". 最要命個飲食節目既宣傳口號係"日日有得食..." 我諗個廣告編輯係咪將"食"同"睇"兩個字搞錯左呢... 應該係"日日有得睇 無得食" 睇D特權階級係你地面前食野