2003-05-04 02:14:26豪宅
Good Morning, myself!
而家既我剩係識得發呆同自尋煩惱. 乜野都好順利既時候就反而覺得悶悶不樂. 明明唔鍾意複雜, 偏偏就去諗得複雜; 明明幸福, 偏偏覺得孤單; 明明有機會, 偏偏放棄. 會唔會係開始慣左一個人?! 有需要先去搵人先係我? 一個人食飯, 一個人睇電視, 一個人睇戲, 一個人聽歌, 一個人踢波, 一個人過馬路, 一個人跑步. 究竟一個人係開心定唔開心? 我唔知, 亦都唔想知. 剩係知道開始對鏡裡面果個"自己"感到陌生. 有時覺得有多種性格會幾好, 因為又可以有人陪, 不過又係一個"人", 一個自己又唔會騷擾到另一個自己.