母親節就咁過左la~~~唉我又費左一筆錢買野俾我老母....愁!!!!不過無所謂la，一年一次！同埋經過今次我、家姐同媽咪感情好似好轉左少少，雖然無解決到咩問題，不過比起以前好左好多！因為我地好耐都無試過三個人一齊食飯lu....都唔知幾耐無試過三個人坐埋一張台有講有笑，有時我真係好想日日都係母親節，日日都係節日同生日咁就好lu，我要ge 禮物其實係一家人開開心心健健康康！咁就足夠，媽咪曾經同我講過一句說話：『如果錢能夠解決ge問題，跟本就唔係問題！』
我覺得le 句說話係0岩架，有錢當然生活會舒適d，可以買靚衫住大屋，但係感情係用錢買吾到架！就算你幾有錢，無親人無朋友同你分享，錢就等于一張癈紙！洗錢最大ge樂趣係可以滿足自己，令自己開心令身邊ge 人開心！如果洗ge錢只不過係供衣食住行，而一d 快樂都無，咁有乜意思喎！同機械人無乜分別，仲慘過做乞e 呀!當然錢對每個人黎講都好重要，但係我相信做窮人都有窮人ge快樂，試問有邊一個人生之中係無經歷過喜怒哀樂，高底起跌！！！吾挨過又點識享受，吾窮過又點知錢ge 重要！個d 二世祖真係要企埋一邊呀！！！