星期四,
做完最後一次物理治療,
之後同穎雅去一間法式既越南餐廳食飯,
仲要係露台加海景!!! 好正..
好好味, 好開心既一餐晚飯,
因為好耐冇試過一起傾計,
大家講近況~
我o係穎雅身上學到了做事認真, 勤力同埋細心
而我呢, 做事就半童水, 又懶, 又大頭蝦.唔...仲加少少樣衰.. 不過我真係改緊架啦

我社交圈子唔大, 但好慶幸身邊好多錫自己的朋友,

ar, 係ar!
話說回來, 自從我o係o個度飲完杯
柑桔青檸既野飲之後, 我第二日返工咳少左好多!!!
過兩日已經冇咩咳!!!
好勁!!! 我會記低點整的

星期五

我地樂團去開會..
有好多新成員, 其實我都知道自己能力未必能夠應付重要既post,
不過已好開心, 可以俾我嘗試本身職業以外既事情,
我要努力, 唔要再半童水呀...

開完會, 我地一起去食飯,
都係一餐好開心既晚飯,
我又係例牌較少講野, 不過聽佢地講, 好有趣

然後..大家趕住返去睇大長今

星期六

太好啦, 我好早起身, 去city u寫lesson plan (係我的習慣)
由早上9點寫lesson plan 寫到下午2點9,
雖然寫左成6個鐘, 但d timing實在太好,
事關有3點打後, 可以行兩個鐘頭街,
先囉返屋企去整埋下半場... 正!
哈哈哈, 我仲買衫tim