今日抬頭見到好多星星, 一堆一堆, 全部都向住同一方向閃下閃下, 呢個咁莊觀既畫面, 當然就惹來好多人圍觀同追訪啦, 仲俾人覺得好唔尋常tim~

原來今次咁多星星出現既目的只有一個, 就係要表達自己既聲音, 可能每個人想表達既聲音與願望都未必一樣, 但個對象都係衝向一個……帶領星星去搵出方向既人, 咁多年o黎, 一眾星星對佢雖然都冇咩抱好大既期望, 但年復年睇住自己愈來愈暗, 愈來愈冇方向, 係呢個時候, 佢仲要為左扼殺大家既聲音而做左一系列既小動作, 大家終於都忍唔住啦, 一齊走晒出o黎表達佢地既不滿, 而唔再係只係匿係舊云後面密密咁受人擺佈!!!

作為一粒暗淡的星仔, 光度不足, 又唔夠大粒, 一向都諗住只係跟大圍, 覺得應該做就做, 唔清楚或者唔知發生咩事既就睇定d先, 但係今次見到同時間有咁多粒星星走晒出o黎, 仲要唔係黑77, 而係日光日白咁用行動表達佢地既需要, 真係令人好感動, 從來係星星群中都未感受到過既團結感覺, 終於深深咁體現到, 終於覺得我地係一伙兒結伴同行架~ 雖然唔同星星有唔同的表達方式, 表達自己唔同既訴求, 但大家唔再係各自為政, 令自己感受到真係星星群中既其中一份子~

雖然過程中同某d星星朋友失散左, 但亦都遇到唔少其他既星星, 有d可能係屬於同一時空但係唔相識的, 有d就已經好耐冇聯絡, 都因為呢次而拉近左彼此既距離, 得知大家仍然安好, 覺得開心外, 亦讓我地約定仍會堅決下去, 捍衛發表聲音既自由, 珍惜大家現在仍然擁有的自由啦~