今日去左"磡",我去飲既年資好淺咋, 其實都係第一次自己去咋, 即使細個跟屋企人去亦都唔多, 所以好多野都唔識, 好似點解有利是收啦, 點寫禮封啦, 幾時俾禮人啦, 幾點入席啦, 拎唔拎走埋d橙好啦......等等等等, 我地成班都係知d唔知d。不過根據大家既估計, 呢d經驗應該會陸續有o黎啦, 亦都俾個好機會大家去聚下囉~

雖然因為要返工所以去唔到觀禮, 但睇返一對新人結婚d相s, 都感受到佢地既甜蜜同幸福呀, 睇到佢地既笑係發自內心咁笑出o黎, 好似帶住種好滿足既感覺, 真係好希望佢地永遠幸福快樂呀~

o係飲緊既途中,收到個朋友仔既電話, 傾傾下佢問左我一d野, 亦都同我講左一d佢既睇法,原來好多野一直都係自己既問題, 原來自己一直都唔夠信心, 呢d結自己一直都冇去解到, 每當有人去扯, 個結就un住自己, 我諗我要d空間去攪清楚~

走個陣可能掛住諗野, 行到路口冇留意有車駛緊埋o黎, 個一刻自己停左係到唔識反應, 好彩架車停得切冇撞到, 個司機個樣好兇, 不過真係自己唔戴眼在先, 惟有急急腳走人, 一路行一路諗如果佢真係撞埋o黎, 自己會唔會已經唔存在呢, 突然好想同人講下, 於是就根據心中既排列逐個搵, 但搵到第2個已經唔想再搵落去啦, 即使搵到, 最後亦都係要一個人去面對架啦, 其實好細個已經明白呢個道理, 只係自己高估左, 間唔中仲會有d唔理性既期望出左o黎, 或者我仲需要去train up下自己獨立d, 所以唔准再叫我小女人啦>.<, 我真係配佢唔起呀~