舍音盃終於完了!!
唔再係候選新莊莊員,又唔係現莊莊員的身份啦....
變返做一個普通宿生....
如果要俾多個身份自己既話...
可以係上莊...或者係老鬼...
升左上神台,自然就唔會同YEAR1,2既文質姊妹一齊練習舍音~
不過我平日都會睇下佢地練既~^_^~
睇自己個女DEBBY跳舞係一件娛樂性什豐富既事~haha~~

最後一年可以以宿生身份參加舍音盃~
到場睇係我必然會做既事~
不過諗左好耐....上唔上台唱好呢...?
定係係下面幫佢地影相好呢....?
點解要考慮咁多?
其實係因為我支莊個個都唔得閒黎....
我自己一個上莊year3好似有點奇怪....^^!!!
雖然我同現莊都熟....但總係唔知點咁...
最後....我還是上了台~撐下場~~
文質已經唔多人玩...多個人上台支持下都係好事~~
始終....係我最後一次!!
如果係度淨係睇而唔上....可能日後會後悔.....
我通常唔會做一d令自己後悔既事!!*0*

雖然今年冇獎,但感覺依然是好的~
至少留返個美好回憶~

*********

舍音盃係睇下各宿新堂主既大好時機~
令人印象頗深刻既都算係華連堂主~樣子不錯~夠台型~很搶眼~
華連有轉機呢!!~
敝宿既堂主都好正~人如其名~係"美玉"~又係長腿姐姐~
同屬女宿系列既五低呢....個堂主就.....
夠晒敦厚啦~~好有份量~~係拔河既好材料~~真係羨慕叉叉地啦~~
其他宿就冇乜好講啦~

*********

觀乎全晚表演....各宿都比以前頹了.....
係咪其實大家都唔係好想玩呢?不知道....
不過神樓係最特出既!!
突破傳統~~好正~~~~
我覺得佢地大組唱應該可以拎冠軍添~~
不過有騎呢偏私評判係度....俾文林拎左冠軍....
神樓得亞冠....有點可惜....

**********

回想起來...
自03同文質姊妹一齊玩完大O後,都冇一齊攪活動啦.....
我玩其他既野都係得我一個文質YEAR3呢...好似有點怪...^^!!
文質姊妹去晒邊呢??!!
2004 教育研討委員會...
2004 CC大O....
2004 舍音盃...
2005 級社~峻社....

唉...我諗唯一原因係..
敝系真係唔駛點讀書....