終於... 30歲了! 原來自己已經虛渡了29個年頭...

21/7
o係屋企訓左一日, 黃昏時份同左個舊同事&朋友去唱K, 嘩... 個芝士++蛋糕真係好"漏", 磅半裝, 4個人分... (-________-") ~多謝呀Ken \^.^/~

22/7
又係訓左一日, 跟住同左班雀友去九龍城厚福館打邊邊! 今晚有成11個人, 俾著平時, 一定會搵多個跟住開3檯! 哈哈~ 今晚大家都放棄左打麻雀黎同阿比慶祝生日, 阿比真係開心到成晚都唔曉合埋個咀! 值得一讚既係o個度d野食好新鮮同埋份量好足, 雖然個麻辣湯底就麻麻, 不過, d配料真係一流! 最勁既係, 我地7個主力, 竟然飲左42支大支裝藍妹!! 幾驚嚇!! ~多謝咁多位雀友ar \^o^/

23/7
玩左幾日, 今日全日休息, 我地食完lunch之後, 經過藥房, 見到佢棟左個牌出來話"今日係大暑", 結果我地就買左料番去煲冬瓜水同埋五花茶! 可能係之前o個晚飲得太多酒既關係, 我地都無乜謂口, 結果走去"米之寶"食麻辣米線! 我地當然係叫大辣米線喇! 不過唔辣囉, 因為佢仲有樣野叫做火焰米線我地無試, 佢話, 係用麥西哥辣椒煮既, 特別辣, 我地決定下次去挑戰!!

24/7
唔知係咪連續放左幾日假, 訓得太多, 今朝6:00 就起左身, 無無聊聊又唔再訓得著, 就去左掃地洗衫, 攪到九點, 都仲係好精神, 結果整醒左佢陪我去麥當當食早餐! =.=" 原來佢唔食麥當當既早晨全餐, 但係又陪我一齊食... 傻瓜! 跟住又經過尋日間藥房, >.<" 又見到"今日係大暑"... 唔通我地俾人呃? 好唔憤氣返屋企即刻check月曆, 好彩, 佢只係呃今日d人...

夜晚去左九龍城金寶食越南野慶祝人地呀媽生日! good ar~ d野 ok 喇, 只可惜我個肚已經痾左成個星期, 仲係無乜胃口, 所以, 只係食左好少好少!