前幾日去左　７Ａ三日兩夜的ｃａｍｐ，今次比起上次好玩ｄ

，可能多左團體遊戲啦～我地帶左大富翁　ｕｎｏ　扭扭樂　層層疊

　　　
　　　第一日　我地係一大班人玩大富翁，今次我地跟住ｄ規則黎玩

，所以好難玩，我玩到後期就算同李偉融資都輸....而思就好利害，

玩兩次　兩次都做富婆，而第一日由虹虹同思下廚，我地有六餸一湯

食，佢地煮得好好食，之後夜晚訓唔著，同彤兩個傾計傾到四點幾先訓

，傾左好多野，好開心～

　　　
　　　第二日我地都係玩番個ｄ活動，到左ｌｕｎｃｈ　ｔｉｍｅ，

我就同虹虹，靜怡煮意大利粉俾ｄ同學仔食，之後我就去訓左陣晏覺

，到了六點幾就去左沙灘玩，先去食南丫島出名好食既豆腐花，跟住

就去堆沙，男仔就去玩水，交配重俾蜜蜂針左一下，再入夜小小就係

沙灘ｂｂｑ，我發現我同流星好無緣，每次去睇星星，我都見唔到流

星，到了十一點幾，終於可以走啦...我係成身好淋，同好眼訓，返

到屋，沖完涼，我同彤都唔洗幾分鐘就訓左啦，所以無同到佢地去釣

魚.....


　　　而我地訓到十一點起身，搞埋ｄ野就交屋，之後去左食晏，

再搭快船出去，跟住我地去左太古到睇頭文字Ｄ，未開場之前，我

地先去李偉屋企打陣機，我好耐無玩炸彈人啦～我地重參觀李偉間房

，佢間房好整齊，我真係有Ｄ慚愧，到左四點幾，我地就入戲院，

套戲都唔錯，幾好睇，然後再睇恐龍展，不過我就無睇恐龍，我返家了