二零零七年三月十三日(星期二)

爸媽去了旅遊ge第三日,呢日,我黑過碳屎,亦到嚇到比都震埋出黎....

下晝返學校聽講座,渣架私家車仔,泊係學校出面...其實個位都好大架...但係,唔知點解個倒後警示唔識響,唉~結果真係衰左...車尾撞到碌柱...唉..嚇到鼻哥窿都無肉呀,好彩表面傷痕見唔到乜濟je~

跟住聽完講座後都成六點,個阿sir同兩個同學仔見巴士站多人,叫我車埋佢地...車到佢地去到聚龍軒之後,沿渡船街轉入高士德,再落新益,諗住返屋企,點知去到新益投注站,停低等紅綠燈ge時候,有架五十仔係我右手邊攝位,即時out到我架車前面個包圍...唉~又一次嚇到鼻哥窿都無肉...個包圍ge右手邊甩左掂地...唉~頓時呆左,真係飛來橫禍啦...即時call交通啦...好明顯係個條友仔輸啦...唉~原來條友仔同我一樣,乜都唔識...交通落簿後,好快咁走左...之後即打比kin...除左佢,我都唔知可以打比邊個求救,阿爸又唔係澳門...真係...中六合彩又唔見中喎~

之後去左一間相熟車房打價,話要九舊..唉~經過一番爭吵,輸個邊就現du du咁比左九舊...阿爸係電話又叫我打返去豐田維修問下..又話要原裝又話要乜要乜..唉~間車房都話左幫我安返個原裝落去...咁...唉~我真係唔知點做...

最後..真係好驚~....收左九舊...比間車行整左佢.......

希望老豆返黎..唔好再難為我啦.........