今個中秋節我地去左飲酒，雖然人少少，不過就好鬼開心，仲笑到我地肚痛，
全都因為一個笑彈－－ｋｅｎｎｙ，
佢真係好鬼爆～話說，佢係第一次去飲酒．我地梗係勁屈佢飲架啦．佢飲到醉醉地時就開始黎料，又講ｄ好攪笑既野．．例如話：想灌醉我？冇咁易～
仲要＋埋佢ｄ手勢，（其實果時佢已經ｗｉｎｇ　ｗｉｎｇ地）仲要話自己係皇上，我地係平民．．．ＯＫ～呢ｄ都唔算係ｄ咩野，到３點幾走果時我地諗住去打牌啦～就搭ｔａｘｉ去ｍｋ喇～佢係架車度嘔．．好彩司機有膠袋～不過就令到架車超臭，係勁臭！！到左ｍｋ，佢竟然可以訓係條街度狂嘔，我地見到佢ｄ嘔吐物係一舊舊架！！都唔知佢食野有冇咬碎架～～仲要隻色好似千島醬咁，所以佢嘔左出黎既野就好似一碟沙律咁～好核突！！之後我地幾經辛苦去度雀館，間野話唔可以比飲醉既人入，勁無奈，算ｌｏ～咪走ｌｏ，不過ｋｅｎｎｙ又死都唔走．係人地間野度攤左係度，我地又好辛苦咁抬佢去另一間啦，佢又成個坐左係地下．不醒人事，勁多人望住．．．．上度去打牌佢就成個訓左係地下，我地唔埋佢照打啦．．點知佢一路訓一路依依哦哦咁．．又話做鬼都唔放過我地咁～～
我地打完牌，朝早９點幾時，叫佢起身，佢仍然好死咁，仲想嘔ｔｉｍ．．．哈哈
笑死我地～～所以我地決定下次飲酒一定要叫佢！！

仲有呀！！因為佢嘔到件衫污糟左，所以佢要著我件衫返屋企，攪到佢好似著露肚臍裝咁～～真係一個有型仕黎架！