唔想返
數起手指，
我差不多有三個月無返個教會的崇拜了，
所以有好多圈子內外的弟兄姊妹都問我近況如何，
問o的都係"幾時先返教會？"
曾經有一位"老細"總結我唔返的原因，
他講到九成。
其實係因為我仲好想休息，
好唔想面對教會裡的人及物，
每次返到去好似返工咁處理人及事的問題，
平時返工已處理好多問題，
返到教會又要處理，
以前以為有同工可以配答，
但現在又關係破裂了，
所以咪一了百了決定唔返住，
教會無左我又唔會生存唔到o的！
等事情淡左，
我諗會返返掛.....
我知道好多人關心我，
但我真的需要星期日休息時間，
多過返教會聽埋牧師d無預備o似的道理〈我個人認為〉、
多過返教會見到感情問題攪到唔清唔楚的x學生
〈我個人最睇唔起感情問題唔清唔楚的人，包括我的好朋友"著褲仔"〉、
多過返教會面對一味只係衝衝衝、不顧後面生死的傳道人、
多過返教會見到成日不理會別人感受，
只會去板教師款及外表裝扮軟弱的組長、
多過返教會去處理種種不負責任的問題............等等
所以我寧願選擇同幾個朋友出去食下飯同傾下計，
個感覺仲好d。
不過我真的感謝關心我的弟兄姊妹，
我無心想講一些惡言去傷害，
我只係想在我自己的空間裡表達，
希望可以咁樣比我有個空間去表達及發洩，
如果真的傷害了你地，
我講聲對唔住。
基
傳道人
我有DVD
傳道人
借借這個版面.....作宣傳 8P
請問各位有受難曲VCD嗎?
我需要週六用呀!
若有電我呀!
衝不顧後面生死的傳道
基：
這個課程，助己又助人，我也想讀呀！
你快D報名！（聴聞上次很多人報名）
額滿即止！
豆丁
基:
係呀!快d報名啦!應該對你好有益架!!!
無休息之男
凌霜:
謝謝你的明白。
基:
快d報告啦！
凌霜
無休息之男:
我相信你比我更明白 ..
面對的不單是面對問題本身..
而是如何面對自己 ..
很久前 .. 曾經一段時間 ..
我也不能面對自己 ..
但請不要強迫自己學習面對 ..
你越強迫 .. 越不能放開 ..
時間永遠是最好的良藥 ..
因為一段時間過後 ..
當你回望過去 ..
再看看神在過去的日子在你身上的作為 ..
你便會釋懷 .. 也不再執著 ..
好好把握這段休息的時間 ..
基:
好呀 ..
唔駛單對單 ..
快d陪我參加這個輔導課程 ..
http://home.macau.ctm.net/~ccmmacau/
我地上次已經miss o左一次啦 ..
我講真o架 .. 要報名啦 ..
無休息之男
凌霜:
謝謝你明白，
面對真是一件好有深度的功課，
我諗我學一世都唔惦。
基:
唔明唔緊要，最重要你肯去學，
不過好辛苦ga wo！
基
凌霜
我唔係好明, 要不要來個單獨約會跟你傾傾?
凌霜
原來我冇更新網頁 .. 所以一直冇睇過呢個blog ..
昌, 我都好同意你的說法 ..
咁就比自己一段時間休息 ..
然後才去想想 .. 如何面對你的問題 ...
你能夠抽離去想這個問題 .. 的確非常重要 ..
遠勝於想著如何解決問題 ..
不過 .. 有時 ..
"面對" 的確非常困難 ..
特別是當自己發現自己的固有想法存有矛盾時
便更難面對
想衝破死胡同
卻又無能為力
阿基 .. 你又明唔明 ..
衝衝衝不顧後面生死的
我覺得同工不是"身份"
是"關係"
所以我覺得......
你仍是我的......
好同工,
好拍檔,
好弟兄,
好姊妹,
好朋友,
無休息之男
一味.....
我地雖然唔係同工的身份,
但仍當你是朋友。
一味只係衝衝衝、不顧
閱後你近月的心聲.......
知道你對教會人和事的啟發.......
...............................
81 (我的心複雜,難於表達........)
只向您說:
壓傷的蘆葦、他不折斷．
將殘的燈火、他不吹滅．
(以賽亞書42:3 )
無休息之男
基:
有一位好出名的輔導人講，
佢將問題分做三個層次，
一)問題本身唔係問題
二)問題點樣去解決都唔係問題
三)點樣去面對問題才是真正的問題。
而我正正就是第三，
因為在我心中仍然有很多"情義結"
而你所講的只屬於第二，
我現階段唔係想去解決，
而係想去面對。
可能你會唔明,
但我都希望你明。
基
台主:
那麼請再想一想"是你去解決o左問題? 還是問題解決o左你?"
無休息之男
x學生:
多謝你的真情否白，
也多謝你的不放棄及不逃避，
也祝福你的感情一大直路。
x學生
`x學生`是我嗎?
(會心微笑)
...
有嬲過阿昌的時候,
有諗過傳道人的問題,
有慨嘆教會的情況...
怎麼說呢?
記起阿昌對我推心置腹的信任,
使我不能放棄或逃避呢個弟兄!
我更相信這是天父的心!
阿昌精神呀!
快d返來!
前天做功課,
翻查教會歷史,
原來Tina和阿昌是同一年來頌愛的...
(阿昌返頌愛是很重要的,
連教會歷史都有記載,
唔信睇下網頁)
至於`x學生`的感情問題...
轉入大直路喇,
大家拍住上!!!
豆丁
我相信終有一天你會回心轉意的！
無休息之男
小白:
我打得尼篇文章就遇左面對不同的說，
再加上基唔係一個感性的人，
對於人的感覺我本人覺得他還有很多發展的空間。
基:
你講得好岩，
不過我唔想再找一間適合的教會，
我只係想將自己的問題用時間變淡。
Dwarf
基基哥哥，語氣好像有點重噃！ ^_^
其實，不是教會去適合我們或是我們去適合教會，因為我們本身就是教會，是彼此互相鼓勵同扶持！
聖經裡的重要人物都有逃避（或作短暫休息）的時候，所以天父是容許的，只要我們明白看顧我們的是誰，不要從牛角尖裡轉不出來（即跌進仇敵的圈套），那就足夠了！
台主，現階段的我們，不能幫到你什麼，只是你有需要的時候，我們可作你的傾訴者，但真正能再次站起來的，就只能靠你自己，作為兄弟的我們，只有耐心等候，但一點，千萬不要忘記，真正愛你和深切等候你的，正是那位慈愛的天父及為你犧牲的主，祂們時候都張開雙臂，等候你回到祂們的懷抱！
基
請想一想"是教會去適合你還是你去適合教會"
無休息之男
Dwarf:
thx!
Dwarf
都是老套那一句！兄弟支持！ ^_^
傳道人
我有DVD