《轉載自妹妹的BLOG:》

今晚同左幾個嘩鬼去左都會軒一間叫”榆豐餐廳”食飯. 發生左件都唔知好嬲定好笑既事... 間野d野食其實都唔錯, 不過service方面就好唔掂喇!~ 叫極都冇人理, 叫野飲想話攞個menu黎睇都攞十年. 最精彩既係我地入到去坐定冇耐, 某女待應A問我地有冇poly學生證, 我地有呀~ 不過我個朋友仲黎緊. 之後佢又冇問番我地比番佢睇喎.直到食完飯埋單, 發現張單冇折到就出事喇!~

女待應A: 「落單前你地冇比到學生證黎睇, 所以冇打到折.」

-- 咁你之前又唔叫我地比番你睇.

女待應A: 「依家出左單喇喎! 改唔到.」

-- 點解改唔到呀? 你改唔到唔關我事丫. 我地係有學生證, 就有discount架喇!~

女待應A: 「但係你地落單前冇比到學生證黎睇.」

-- 係你冇叫我地比你睇囉~

女待應A: 「係我頭先多野做, 好忙...唔記得左...」「張單出左...今次打唔到折, 下次先.....」

-- 點可以咁架!~ 依家係你話忙唔記得問番我地show id, 咁係你既責任, 冇理由要我地承擔啫! 你估咁樣, 我地下次仲敢黎?!~

女待應A: 「errr......」

-- 你改唔到單, 話唔到事. 一係叫你經理黎同我講喇~

(之後搵左個女待應B埋黎)

女待應B: 「因為我地係要落單前, 要睇左有學生證先可以打折的.」

-- 都話左比你同事知我地係有咯.... 不過佢行開左未黎到... 你地之後又冇問番我地攞黎睇. 一早同你講左架喇~ 應該係你同事要主動問番我地架嘛!~

女待應A: 「我以為你地玩架咋! 其實冇學生證..」

-- 小姐, 你咪玩喇~ 呢d點可以當玩架!! 你地咁樣做生意架! 當d客講笑?....

女待應A: 「成日都有好多客咁樣玩...」

-- (無奈..) 其他客係咁係佢地既事, 我地之前已經同你講左架喇!~ 你知道架!

(女待應A知道自己衰左, 收左聲. 之後女待應B全程應對.)

遇到呢d咁唔reasonable既事, 我地絕不妥協. 雙方擾攘左好耐, 我都唔記得幾耐喇~ 最後女待應B先話改番單. 我地連一蚊tips都唔比就走喇~ 個女待應B仲要嘴藐藐, 樣衰衰咁啤住我地. 咁算咩態度呀! 士多啤梨丫!~ 點做野架? 今時今日咁既服務態度係唔得架!


《從妹妹學會了這新用語 -- 士多啤梨丫！》